Դեպքի վայր են մեկնել ՆԳՆ Փրկարար ծառայության հրշեջ-փրկարարական ջոկատներից չորս մարտական հաշվարկներ
ԵՐԵՎԱՆ, 13 նոյեմբերի․ /Նովոստի–Արմենիա/․ Նոյեմբերի 13-ին՝ ժամը 10։35-ին, Լոռու մարզային օպերատիվ կառավարման կենտրոն ահազանգ է ստացվել, որ Թումանյան համայնքում գտնվող գազալցակայանում պայթյուն է տեղի ունեցել։
ՆԳՆ Փրկարար ծառայության տեղեկացմամբ՝ տուժածներ չկան։
Դեպքի վայր են մեկնել ՆԳՆ Փրկարար ծառայության մարզային փրկարարական վարչության հրշեջ-փրկարարական ջոկատներից չորս մարտական հաշվարկներ։
Նախնական տվյալներով՝ պայթյունը տեղի է ունեցել ավտոմոբիլային գազալցավորման ճնշակային կայանի (ԱԳԼՃԿ) առանձնացված տարածքում գտնվող օդաճնշումային համակարգում, ինչի հետևանքով շինությունը մասնակի փլուզվել է։
Հրդեհը մարվել է տեղում առկա ուժերով։ Տուժածներ չկան։
Դեպքի հանգամանքները պարզվում են։