Բիթքոինի արժեքն օգոստոսից ի վեր առաջին անգամ իջել է 70 հազար դոլարից

Բաժանորդագրվել

Զուգահեռաբար նվազել է համաշխարհային կրիպտոարժույթի շուկայի կապիտալիզացիան:

ԵՐԵՎԱՆ, 13 նոյեմբերի – Sputnik. Բիթքոինի արժեքը օգոստոսից ի վեր առաջին անգամ իջել է 70 հազար դոլարից։ Այս մասին են վկայում սակարկությունների տվյալները:

Այսպես, ժամը 8:12-ին (Երևանի ժամանակով) «Binance» բորսայում կրիպտոարտարժույթը նվազել է 6,74%-ով՝ իջնելով 68 868,39 ԱՄՆ դոլարի:

Այսպիսով, կրիպտոարժույթի շուկայի համաշխարհային ընդհանուր կապիտալիզացիան օրվա սկզբից նվազել է շուրջ 80 մլրդ ԱՄՆ դոլարով՝ 2,39 տրլն դոլարից հասնելով 2,31 տրիլիոնի, իսկ բիթքոինի դեպքում, որի մասնաբաժինը ընդհանուր կրիպտոշուկայում կազմում է 60%, 1,435 տրիլիոն դոլարից հասել է 1,375 տրիլիոնի:

Վերջին անգամ բիթքոինի արժեքը իջել էր 70 հազար դոլարից օգոստոսի 20-ին, սակայն հետագայում կտրուկ աճեց՝ սեպտեմբերի վերջին անցնելով 87 հազար դոլարի նշաձողը:

Leave a comment