ԱՄՆ-ում նոյեմբերի 11-ին 67 տարեկանում հանկարծամահ է եղել Ռուսաստանի դեսպան Ալեքսանդր Դարչիևը, հայտնել են Ռուսաստանի ԱԳՆ-ից։
«Ռուսաստանի ԱԳՆ ղեկավարությունն ու աշխատակազմը խոր ցավով հայտնում են, որ նոյեմբերի 11-ին՝ կյանքի 67-րդ տարում, հանկարծամահ է եղել Ամերիկայի Միացյալ Նահանգներում Ռուսաստանի Դաշնության արտակարգ և լիազոր դեսպան Ալեքսանդր Նիկիտայի Դարչիևը»,- ասվում է գերատեսչության հաղորդագրության մեջ։
Դարչիևը դիվանագիտական ծառայության մեջ էր 1992 թվականից։ Այդ ընթացքում նա տարբեր պաշտոններ է զբաղեցրել Ռուսաստանի ԱԳՆ կենտրոնական ապարատում և աշխատել արտերկրում։
2016 թվականի փետրվարին նրան շնորհվել է արտակարգ և լիազոր դեսպանի դիվանագիտական աստիճան։ Այդ ժամանակ նա ղեկավարում էր Կանադայում Ռուսաստանի դիվանագիտական ներկայացուցչությունը, որտեղ աշխատել է 2014-2020 թվականներին, հաղորդում է РИА Новости-ն։
Թարգմանությունը՝ News.am-ի
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: