Տեղի է ունեցել Դիլիջան համայնքի նորընտիր ավագանու անդրանիկ նիստը։
Համաձայն «Տեղական ինքնակառավարման մասին» ՀՀ օրենքի 64-րդ հոդվածի 1.2-րդ մասի՝ մինչև համայնքի ղեկավարի ընտրվելը նիստը վարելու իրավասությունը վերապահվում է նիստին ներկա տարիքով ավագ անդամին։ Այդ կարգով նիստը վարել է «Քաղաքացիական պայմանագիր» խմբակցության ավագանու անդամ Ա. Մանվելյանը։
«Հայաստանի Հանրապետության ընտրական օրենսգիրք» սահմանադրական օրենքի 142.2-րդ հոդվածի համաձայն՝ Դավիթ Սարգսյանը օրենքի ուժով համարվում է Դիլիջան համայնքի ընտրված ղեկավար։
Նորընտիր ավագանին առաջիկա հինգ տարիների ընթացքում կիրականացնի համայնքի ներկայացուցչական մարմնի իր լիազորությունները՝ մասնակցելով համայնքային նշանակության որոշումների կայացմանն ու Դիլիջան համայնքի զարգացման ծրագրերի իրականացմանը։
Դիլիջանի համայնքապետարան
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: