Մալդիվները փոփոխել են ճանապարհորդի հայտարարագրի (Traveller Declaration) լրացման կարգը։ Այսուհետ հարցաթերթիկը լրացնելու համար անհրաժեշտ կլինի էլեկտրոնային փոստի հասցեն հաստատել մեկանգամյա կոդով։ Այս մասին հայտնում է հանրապետության ներգաղթի ծառայության կայքը։
Նոր կարգի համաձայն՝ օտարերկրյա զբոսաշրջիկներն այլևս չեն կարողանա Մալդիվներ այցելելու համար պարտադիր ճանապարհորդի հայտարարագիր լրացնել՝ առանց էլեկտրոնային փոստի հասցե տրամադրելու։ Նշված հասցեին կուղարկվի մեկանգամյա OTP կոդ, որը պետք է մուտքագրել համակարգում։ Միայն այս ընթացակարգն անցնելուց հետո զբոսաշրջիկները կկարողանան շարունակել հարցաթերթիկի լրացումը։
Այնուհետև համակարգը կստեղծի QR կոդ, որը կհաստատի հայտարարագրի ներկայացումը։ Այն անհրաժեշտ է պահպանել՝ ավիաընկերության կամ սահմանային ծառայության աշխատակիցների պահանջով ներկայացնելու համար։
Բացի այդ, թարմացված համակարգում ավելացվել է ուղևորության այլ մասնակիցների տվյալները գրանցելու հնարավորություն։
Traveller Declaration ձևը հասանելի է IMUGA (Immigration Maldives Unified Gateway Application) պետական համակարգում։ Փաստաթղթի ձևակերպումն անվճար է։ Հայտարարագիրը պետք է ներկայացնել Մալդիվներ ժամանելուց առավելագույնը 96 ժամ առաջ։