Իրավապաշտպան, «Իրավունքի և ազատության կենտրոնի» հիմնադիր ղեկավար Վարդան Հարությունյանի ֆեյսբուքյան գրառումը
Մեր երկրում խափանման միջոց կալանքը ոչ թե որպես խափանման միջոց, այլ որպես պատիժ է դիտարկվում։ Հատկապես՝ երբ խոսքը իշխանության ընդդիմախոսներին է վերաբերում։ Այսպես եղել է, այսպես էլ, ցավոք, կա։ Նախաքննական մարմնի պնդումը, հատկապես՝ վարչապետի հրապարակային պահանջը բավարար են լինում, որ իշխանության թիրախում հայտնված անձանց նկատմամբ, ինչ էլ որ նրանք արած կամ չարած լինեն, որպես խափանման միջոց ընտրվի կալանքը։ Նրանցից մեկը՝ 46-ամյա Արսեն Գևորգյանն այսօր կալանավայրում վախճանվեց։
Հարցնել է պետք իշխանություններին, թե ձեր ընտրովի արդարադատությունից ո՞ւր էր փախչելու Արսեն Գեւորգյանը։ Եթե նպատակը ցուցադրական պատիժ բեմադրելը չլիներ նա, անկասկած, կալանավայրում չէր գտնվի։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: