Երևանի քաղաքապետարանից հայտնում են.
«Կամավորության նոր հնարավորություն՝ «Ակտիվ քաղաքացի» հարթակում։
Երևանի քաղաքապետարանի աշխատակազմի հանրակրթության վարչությունը մեկնարկել է խոսակցական անգլերենի ակումբների ծրագրի երկրորդ փուլը և հրավիրում է անգլերենին ազատ տիրապետող կամավորների՝ միանալու նախաձեռնությանը։
Ծրագրին միանալով՝ կօգնես երեխաներին զարգացնել իրենց կարողությունները, իսկ որպես կամավոր՝ կհավաքես միավորներ, որոնք հետագայում կկարողանաս փոխանակել տարբեր նվերների հետ։
Ի՞նչ է անելու կամավորը
Կվարի խոսակցական անգլերենի ակումբներ Երևանի դպրոցներում։
Կկազմակերպի հետաքրքիր քննարկումներ, ինտերակտիվ խաղեր և խմբային աշխատանքներ։
Կօգնի աշակերտներին ավելի ազատ ու ինքնավստահ հաղորդակցվել անգլերենով։
Կստեղծի ընկերական, ակտիվ և ոգևորող ուսումնական միջավայր։
Կամավոր դառնալ կարող են անգլերենին ազատ տիրապետող անձինք»։