ՔԿԾ-ից պնդում են՝ Արսեն Գևորգյանն առողջական վիճակի հետ կապված գանգատներ չի ներկայացրել

Բաժանորդագրվել

Ստեփանավանի համայնքապետի նախկին թեկնածուն կալանավորված էր հոկտեմբերի 21-ից։

ԵՐԵՎԱՆ, 10 նոյեմբերի – Sputnik․ «Նուբարաշեն» քրեակատարողական հիմնարկում գտնվելու ընթացքում Արսեն Գևորգյանն առողջական վիճակի հետ կապված գանգատներ չի ներկայացրել։ Այս մասին պաշտոնապես հայտնում են ՀՀ ԱՆ քրեակատարողական ծառայությունից։

Ըստ հաղորդագրության՝ այսօր առավոտյան Արսեն Գևորգյանի ինքնազգացողությունը վատացել է։ Հրավիրվել է հերթապահ բուժակը, որը Գևորգյանին ցուցաբերել է առաջին բուժօգնություն։

«Ժամը 07։55-ի սահմաններում կանչվել է շտապօգնություն, որի բուժանձնակազմը ժամը 08։30-ի սահմաններում արձանագրել է Արսեն Գևորգյանի կենսաբանական մահը»,- հայտնում են ՔԿԾ-ից։

Այսօր առավոտյան հայտնի դարձավ, որ «Նուբարաշեն» ՔԿՀ-ում սրտամկանի կաթվածից մահացել է Ստեփանավանի համայնքապետի «Ուժեղ Հայաստան» կուսակցության թեկնածու Արսեն Գևորգյանը։ Նա 46 տարեկան էր, ամուսնացած։ Հոկտեմբերի 21-ից նա կալանավորված էր Հակակոռուպցիոն դատարանի դատավար Արամ Գրիգորյանի որոշմամբ։

Leave a comment