ԵԱՏՄ-ին ՀՀ-ի անդամակցության դադարեցումը կհանգեցնի ՌԴ-ի հետ գազային պայմանագրերի վերանայման

by

https://arm.sputniknews.ru/20261109/eatm-in-hh-i-andamakcutjan-dadarecumy-khangecni-rd-i-het-gazajin-pajmanagreri-veranajman-109115458.html

media@sputniknews.com

+74956456601

MIA „Rossiya Segodnya“

2026

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

Прекращение членства Армении ЕАЭС приведет к пересмотру газовых соглашений с РФ – Арешев

Sputnik Արմենիա

Прекращение членства Армении ЕАЭС приведет к пересмотру газовых соглашений с РФ – Арешев

2026-11-09T14:01+0400

true

PT2M08S

https://cdn.am.imgsputniknews.ru/img/07ea/0b/09/109112473_311:0:1751:1080_1920x0_80_0_0_aa1993a38f98eb25498ffbfa49dc18fe.jpg.webp

Sputnik Արմենիա

media@sputniknews.com

+74956456601

MIA „Rossiya Segodnya“

անդրեյ արեշև, եվրասիական տնտեսական միություն (եատմ), հայաստան և եատմ, ռուսաստան, գազ, видео

անդրեյ արեշև, եվրասիական տնտեսական միություն (եատմ), հայաստան և եատմ, ռուսաստան, գազ, видео

Բաժանորդագրվել

Ռուսաստանում ամրապնդվում է այն համոզմունքը, որ Հայաստանը ցանկանում է կրճատել մասնակցությունը Մոսկվայի մասնակցությամբ բոլոր ինտեգրման նախագծերին, նշել է քաղաքագետը:

ԵԱՏՄ-ին Հայաստանի անդամակցության դադարեցումը կհանգեցնի Երևանի հետ գազային և այլ երկկողմ համաձայնագրերի վերանայմանը։ Այս մասին Alpha Media Centre-ում «Նպատակաուղղված շրջադարձ. Հայաստանի ապագան ՀԱՊԿ-ում և նոյեմբերի 9-ի համաձայնագրի ճակատագիրը» քննարկման ընթացքում հայտարարել է կովկասագետ, քաղաքագետ, Ռուսաստանի ռազմավարական մշակույթի հիմնադրամի փորձագետ Անդրեյ Արեշևը։

«Գազային փոխհարաբերությունները ԵԱՏՄ ձևաչափ չեն և կարգավորվում են ՀՀ-ՌԴ երկկողմ պայմանավորվածություններով։ Բայց մենք հասկանում ենք, որ սա համալիր գործընթաց է, և եթե դեկտեմբեր-հունվարին, ինչպես շատերն են սպասում, գործարկվի ԵԱՏՄ-ին Հայաստանի անդամակցությունը կասեցնելու գործընթացը, ապա, անշուշտ, կվերանայվեն երկկողմանի գազային պայմանավորվածությունները և համագործակցության այլ ոլորտները»,–նշել է Արեշևը։

Քաղաքագետի կարծիքով՝ դա շատ ավելի էական հետևանքներ կունենա Հայաստանի տնտեսության համար, քան Ռուսաստանի համար հայկական արտադրանքի կորուստն է։

Նա կարծում է, որ ռուսաստանյան փորձագիտական ​​միջավայրում աստիճանաբար գիտակցում են այն փաստը, որ Հայաստանի իշխանությունները որդեգրել են ռուսական մասնակցությամբ ցանկացած ինտեգրման նախագծերին, այդ թվում՝ տնտեսությանն ակնհայտորեն օգուտ բերող նախագծերին մասնակցությունը կրճատելու ուղղություն:

Սակայն, ըստ Արեշևի, Երևանում լիարժեք հաշվի չեն առնում հետևանքները, առաջնահերթությունը տրվում է մեծ աշխարհաքաղաքականությանը։

Հիշեցնենք՝ ՌԴ-ն հայտարարել էր, որ Եվրամիությանն ինտեգրվելու ձգտումը Հայաստանի ինքնիշխան իրավունքն է, բայց Երևանը չի կարող և չպետք է իրականացնի այդ քաղաքականությունը ԵԱՏՄ երկրների հաշվին: Դրան հաջորդեցին դեպի Ռուսաստան հայկական արտադրանքի արտահանման սահմանափակումները։

Մայիսի 9-ին ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։
Նիկոլ Փաշինյանը մայիսի 11-ին լրագրողներին ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա:
Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:

Վիճակագրական տվյալների համաձայն՝ Հայաստանը Եվրասիական տնտեսական միությունից դուրս գալու դեպքում կկորցնի ապրանքաշրջանառության գրեթե 40%-ը:

Leave a comment