Նոյեմբերի 7-ին Լեհաստանի Կրակով քաղաքի Գլխավոր հրապարակում անհայտ անձինք մեքենայով մուտք են գործել հրապարակի տարածք, որից հետո զինված տղամարդը կրակ է բացել այնտեղ գտնվող մարդկանց ուղղությամբ։
Հրաձգության հետևանքով զոհվել է հինգ մարդ, ևս տասից ավելի մարդ ստացել է տարբեր աստիճանի վնասվածքներ։ Տուժածների թվում են նաև ոստիկանության աշխատակիցներ։
Լեհաստանի վարչապետ Դոնալդ Տուսկը հայտարարել է, որ Կրակովում տեղի ունեցողի մասին օպերատիվ տեղեկություններ է ստանում ներքին գործերի նախարարից։ Կառավարության ղեկավարի խոսքով՝ ոստիկանությունը պարզում է հարձակման հանգամանքներն ու հնարավոր պատճառները։
Հրաձիգը ձերբակալվել է դեպքի վայրում։ Փոխհրաձգության ընթացքում հանցագործը հրազենային վնասվածք է ստացել։ Ներկայումս հարձակվողին տեղափոխում են հիվանդանոց։
Իրավապահներն առայժմ չեն հրապարակում նրա ինքնությունը, քաղաքացիությունն ու հարձակման դրդապատճառները։ Դեպքի վայրում շարունակվում են քննչական գործողությունները։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: