Կրթության փորձագետ, Յուրի Բախշյանի այրի Անահիտ Բախշյանի ֆեյսբուքյան գրառումը
SOS ԱՀԱԶԱՆԳՈՒՄ ԵՄ, ՈՒՇԱԴՐՈՒԹՅՈՒՆ
Ժողովուրդ ջան, անցյալ տարի դեկտեմբերին ես ընկել եմ բանկային խաբեբաների ծուղակ, որը սկսվել է նմանատիպ մի նամակից, որին այն ժամանակ ես հավատացել եմ: Ահա այսօր ստացածս այն նամակը, որի նմանը ստացել եմ անցյալ դեկտեմբերին, իբրև թե այն գրել էր այդ ժամանակվա ԱԺ փոխնախագահ Արշակյանը: Այսօրվա նամակն էլ իբրև թե Ժաննա Անդրեասյանն է գրել.
«Անահիտ Բախշյան, բարի օր:
Ներկայումս իրականացվում է խորհրդի աշխատանքների գործունեության ներքին ստուգում: Այդ ստուգման շրջանակներում պահանջվել է Ձեր բնութագիրը: Մոտ ժամանակներս Ձեզ հետ կապ կհաստատի Հայաստանի Հանրապետության ազգային անվտանգության ծառայության մայոր Արթուր Սարգսյանը: Նա Ձեզ մի շարք հարցեր կտա, ինչպես նաև մանրամասն կպարզաբանի իրականացվող ստուգման նպատակներն ու հանգամանքները: Խնդրում ենք նկատի ունենալ,որ սույն տեղեկատվությունը խիստ գաղտնի է: Խնդրում ենք որևէ մեկին չհայտնել ստուգման ընթացքի և սույն հաղորդագրության բովանդակության մասին, այդ թվում՝ Ձեր գործընկերներին:
Շնորհակալություն համագործակցության և պրոֆեսիոնալիզմի համար:
Հարգանքով՝ Ժաննա Արամի Անդրեասյան»:
Իհարկե, ես գրել եմ, որ իրենք խաբեբա են:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: