Բաժանորդագրվեք araratnews-ի տելեգրամ ալիքին։
ԱՄՆ պաշտպանության նախարար Փիթ Հեգսեթը վստահություն է հայտնել, որ ամերիկացի օրենսդիրներին չի հաջողվի հասնել իր պաշտոնանկությանը։
«Իմ նկատմամբ իմպիչմենթի հոդվածներ է ներկայացրել դժգոհ և պարտություն կրած կոնգրեսականը՝ իր բոլոր դեմոկրատ դաշնակիցների հետ միասին։ Նույն կերպ նրանք երկու անգամ փորձել են դա անել նախագահ Թրամփի նկատմամբ»,- հայտարարել է Պենտագոնի ղեկավարը։ Հեգսեթի տեսաուղերձը հոկտեմբերի 5-ին հրապարակվել է X սոցիալական ցանցում։
«Դա չաշխատեց նախագահ Թրամփի դեմ և չի աշխատի նաև իմ դեմ։ Կարող եք վստահ լինել դրանում»,- հավելել է նա։
Ավելի վաղ հանրապետական կոնգրեսական Թոմաս Մասին (Կենտուկի նահանգից) հայտարարել էր, որ պատրաստվում է գործընկերների քննարկմանը ներկայացնել Հեգսեթի իմպիչմենթի կոչ անող բանաձև։