ՀՀ էկոնոմիկայի նախարար Գևորգ Պապոյանը հոկտեմբերի 30-ին՝ COP17-ի վերջին օրը, այցելել է համաժողովի շրջանակում գործող ՀՀ էկոնոմիկայի նախարարության կանաչ տաղավար։ Շրջայցին մասնակցել է նաև նախարարի տեղակալ Տիգրան Գասպարյանը։
Շրջայցի ընթացքում նախարարին ներկայացվել է, որ COP17-ի անցկացման 15 օրերի ընթացքում նախարարության տաղավարն ունեցել է ավելի քան 4 հազար այցելու։ Այցելուների թվում եղել են նաև օտարերկրյա հյուրեր, որոնց կողմից հնչել են համագործակցության առաջարկներ։
Միջոցառման շրջանակում հայկական ավելի քան 30 ընկերության ներկայացուցիչներ նախարարության տաղավարում հնարավորություն են ունեցել ներկայացնելու իրենց արտադրանքը։ Կազմակերպվել են նաև տեղական արտադրանքի համտեսներ։
Նախարարը շրջել է նաև մյուս տաղավարներով, հանդիպել գործարար ոլորտի ներկայացուցիչների հետ, ծանոթացել նրանց գործունեությանը և պատասխանել հետաքրքրող հարցերին։
ՀՀ էկոնոմիկայի նախարարություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: