Skip to content

pulse.mediamonitoring.am

Կաթնամթերք արտադրողների մոտ լաբորատոր խախտումներ են հայտնաբերվել

30 October 2026 by Halapenyo

Կաթնամթերք արտադրողների մոտ լաբորատոր խախտումներ են հայտնաբերվել

Categories ABNews

«Իրազեկ և պաշտպանված սպառող» հասարակական կազմակերպությունը հանրային վերահսկողության նախաձեռնության շրջանակում լաբորատոր փորձաքննության է հանձնել տեղական 11 արտադրողների կաթնամթերք։ Նմուշառումն իրականացվել է պատշաճ ջերմային ռեժիմ ապահովող վաճառքի կետերից և փորձաքննվել միջազգային հավատարմագրում ունեցող երեք լաբորատորիաներում («ՀԱԲԼԾԿ» ՊՈԱԿ, «Էֆ Դի Էյ լաբորատորիա» ՍՊԸ և «Ստանդարտ Դիալոգ լաբորատորիա» ՍՊԸ)։ ՀԿ նախագահ Բաբկեն Պիպոյանը նշել է, որ ուսումնասիրության ընթացքում ֆիքսել են պետական լաբորատորիայում փորձաքննության անհամեմատ բարձր գները, իսկ երեք կենտրոնների արդյունքների շեղումները եղել են չնչին։ Պիպոյանի ընդգծմամբ՝ շուկայում լրջագույն խնդիրներ կան հատկապես կաթնաշոռի մասով․ «Հայտնաբերվել են ոչ միայն աղիքային ցուպիկի մանրէներ, այլև խմորասնկեր ու բորբոսասնկեր»։ Փորձաքննության արդյունքներով՝ Աղիքային ցուպիկի խմբի մանրէներ (ԱՑԽՄ) են հայտնաբերվել հետևյալ արտադրատեսակներում․ Կաթ․ «Աշտարակ կաթ» (3,2% յուղայնություն)։ Թթվասեր․ «Երեմյան Փրոդաքթս» (25%), «Արզնի կաթնամթերք» (20%) և «Բոնիլատ» (17%)։ Կաթնաշոռ․ «Թամարա և Անի» (7%), «Մարիաննա» (9%), «Աշտարակ կաթ» (7%), «Երեմյան Փրոդաքթս» (12%), «Միլկին» (9%), «Բոնիլատ» (9%), «Բիոկաթ» (12%), «Չանախ» (7%) և «Արզնի կաթնամթերք» (9%)։ Պանիր․ «Իգիթ» ընկերության չեչիլ պանիր (240 գրամանոց փայտիկներ)։ Բացի այդ, խմորասնկերի և բորբոսասնկերի շեղումներ են արձանագրվել «Բոնիլատ», «Թամարա և Անի», «Արզնի կաթնամթերք», «Չանախ», «Մարիլա» և «Բիոկաթ» ընկերությունների կաթնաշոռերում։ Կաթնաթթվային մանրէների ցուցանիշով խախտումներ են հայտնաբերվել «Մարիաննա», «Չանախ», «Մարիլա» և «Միլկին» բրենդների կաթնաշոռերում։ ՀԿ նախագահը հայտնել է, որ փորձաքննության բոլոր տվյալներն ու կիրառված մեթոդաբանությունը փոխանցվելու են Սննդամթերքի անվտանգության տեսչական մարմնին (ՍԱՏՄ)՝ համապատասխան վերահսկողական քայլեր ձեռնարկելու նպատակով։

Ադրբեջանն ու Վրաստանը համատեղ անցակետի գործունեության վերաբերյալ փաստաթղթեր են ստորագրել

Leave a comment Cancel reply

Comment

Name Email Website

Save my name, email, and website in this browser for the next time I comment.

Search

Recent Posts

, 27 տարվա լռությունից հետո Ջհանգիրյանը խոսեց, Փաշինյանը հանձնարարեց ստուգել․ «Ժողովուրդ»
, Ջերմուկում և հարակից գյուղերում երկրաշարժ է զգացվել
12:11 | 29 Հոկտեմբեր Էդգար Ղազարյանն ԱԺ ամբիոնից սկանդալային բացահայտում արեց․ ո՞վ կհայտնվի բանտում
Փոքր Հայաստանում ԱՄՆ դեսպանատան աշխատակազմը բաղկացած է 2500–3000 մարդուց. ՌԴ ԱԽՔ տեղակալ
Ես Իրանի դեմ պատերազմ չեմ սկսել, նրանք են մեզ հետ պատերազմ սկսել. Թրամփ

Recent Comments

No comments to show.

© 2026 pulse.mediamonitoring.am • Built with GeneratePress