Հոկտեմբերի 20-ին՝ ժամը 15․10-ին, Շիրակի փողոցում ծառայություն իրականացնելիս Երևանի պարեկները, թմրանյութ ապօրինի ձեռք բերելու և իրացնելու կասկածանքով ձերբակալել և «Ռենո Լոգան» մակնիշի մեքենայով հանդերձ Համայնքային ոստիկանության Շենգավիթի բաժին են տեղափոխել մայրաքաղաքի բնակիչ 31-ամյա վարորդին և 33 ու 22 տարեկան երկու ուղևորին։
Մեքենան, որի մեջ իրավապահները նկատել էին գունավոր փաթեթներ, կնիքվել է պահպանվող հատուկ տարածքում։
Ձերբակալվածներն ու կազմված փաստաթղթերը ներկայացվել են Շենգավիթի քննչական բաժին, որտեղ նախաձեռնվել է քրեական վարույթ։
Դատարանի որոշմամբ հոկտեմբերի 22-ին կատարված խուզարկությամբ մեքենայում հայտնաբերվել է 22 փաթեթ՝ կրիստալ տեսակի թմրանյութի նմանվող, ընդհանուր ավելի քան 34 գրամ զանգվածներով։
Նախաքննությունը շարունակվում է։
Հայաստանի Հանրապետության Ներքին գործերի նախարարության ոստիկանություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: