Թրամփը հայտարարել է Պուտինի ու Զելենսկիի հետ առաջիկա հանդիպման մասին

ԱՄՆ նախագահ Դոնալդ Թրամփը հայտարարել է, որ առաջիկայում կհանդիպի Ուկրաինայի նախագահ Վլադիմիր Զելենսկիի և ՌԴ նախագահ Վլադիմիր Պուտինի հետ, փոխանցում է «Европейская правда»-ն։

Լրագրողների հետ զրույցում Թրամփը նշել է ռուս-ուկրաինական պատերազմի կարգավորման հարցում «զգալի առաջընթացի» մասին։

«Մոտ ապագայում հանդիպումը կկայանա, և կարծում եմ՝ զգալի առաջընթաց կգրանցվի»,- ասել է նա։

Հստակեցնող հարցին, թե ովքեր են հանդիպելու, Թրամփը պատասխանել է. «Նախագահ Պուտինը և նախագահ Զելենսկին։ Եվ կարծում եմ՝ զգալի առաջընթաց կգրանցվի»։

Հոկտեմբերի 27-ին Ֆինլանդիայի նախագահ Ալեքսանդր Ստուբը և Նորվեգիայի վարչապետ Յոնաս Գար Ստյորեն իրենց նախաձեռնությամբ հեռախոսազրույց են ունեցել Ռուսաստանի նախագահ Վլադիմիր Պուտինի հետ։ Ստուբի խոսքով՝ քննարկումն անցել է «անկեղծ և գործնական» մթնոլորտում։

Ուկրաինայի նախագահ Վլադիմիր Զելենսկին հայտնել էր, որ նրանք Պուտինին հստակ նշել են Ուկրաինայի էներգետիկ ենթակառուցվածքների նկատմամբ ապաէսկալացիային ուղղված իրական քայլեր ձեռնարկելու անհրաժեշտության մասին։

Թարգմանությունը՝ Էմմա Չոբանյանի