Էկոնոմիկայի նախկին նախարար Վահան Քերոբյանը գրում է.
«Զգացմունքներս խեղդում են, ԲԱՅՑ…
Իմ սիրելի դստրիկը՝ իմ հինգ հրաշալի ձագերից մեկը, աննկուն կամքի, անսահման աշխատասիրության և իր բնածին տաղանդները հետևողականորեն զարգացնելու շնորհիվ հասավ իր նպատակին՝ մասնակցել Մանկական Եվրատեսիլին, և, Աստծո կամոք, միանգամից կրկնապատկեց հաջողությունը՝ դառնալով այդ փառատոնի թագուհին։
Բերկրանքը ժայթքում է իմ բոլոր բջիջներից։ Մաղթում եմ, որ բոլոր ծնողները զգան այս երանությունը։
Բայց խոսքս հատուկ ուղղում եմ նաև բոլոր հայրերին. եղբայրնե՛ր, զբաղվե՛ք ձեր երեխաներով մանրամասնորեն։ Նարեի ու իմ մյուս երեխաների դասերի ու խմբակների ծնողական ժողովներին հազվադեպ եմ հանդիպում հայրերի։ Երեխաների տաղանդները զարգացնելն այնքան լուրջ գործ է, որ ԵՐԿՈՒ ծնողի ամբողջական ներգրավվածությունն է պահանջում»։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: