Հայտնի մտավորականների կոչը՝ հաջակցություն Անդրանիկ Թևանյանի և բոլոր քաղբանտարկյալների
Մենք՝ ներքոստորագրյալ մտավորականներս, մեր խոր մտահոգությունն ենք հայտնում քաղաքական դրդապատճառներով Անդրանիկ Թևանյանի նկատմամբ իրականացվող քրեական հետապնդման կապակցությամբ:
2026 թ.-ի ԱԺ ընտրություններից առաջ՝ նախընտրական շրջանում, Նիկոլ Փաշինյանը հրապարակայնորեն հայտարարեց «Մայր Հայաստան» կուսակցության նախագահ, ԲՀԿ նախընտրական ցուցակի երկրորդ համար Անդրանիկ Թևանյանի նկատմամբ քրեական գործ հարուցելու մասին, որից հետո այն իրականացվեց և կայացվեց կալանավորման որոշում:
Հայաստանի հանրապետությունը չի կարող ժողովրդավարական պետություն լինել, եթե իշխանության քաղաքական հակառակորդին զրկում են ազատությունից, հանրային դաշտում ներկայացնում որպես Հայրենիքի դավաճան:
Հայտարարված անհիմն մեղադրանքը հետագայում հերքվում է՝ փոխարինվելով այլ՝ պետական գաղտնիք հրապարակելու, մեր կարծիքով, շինծու մեղադրանքով, որի քննությունն ընթանում է փակ նիստերով: Սա աննախադեպ է նույնիսկ հայաստանյան արդարադատության համար:
Անդրանիկ Թևանյանը հանրությանը հայտնի է որպես հայրենասեր, պետականամետ գործիչ, ուստի շրջանառվող «մեղադրանքը» հարուցում է շատերի, այդ թվում նաև՝ մեր վրդովմունքն ու տարակուսանքը, ինչն էլ դատական գործին հետևելու արդարացի պահանջ է առաջացնում:
Քաղաքական պայքարը պետք է ավարտվի ընտրատեղամասում, ոչ թե բանտախցում: Իշխանությունների նման գործելաոճը հասարակության մոտ առաջացնում է անվստահություն պետական ինստիտուտների նկատմամբ, ինչն ավելի է խտացնում մեր պետականության հանդեպ անտարբերության և հիասթափության մթնոլորտը:
Հանրությունն այսօր գտնվում է սթրեսային վիճակում: Ժողովրդին միտումնավոր բաժանում են թշնամի հատվածների, ատելության խոսքը դարձել է սովորական երևույթ, իսկ անվերջ ընթացող քաղաքական դատավարությունները՝ մեր առօրյայի ուղեկիցը:
Մենք պահանջում ենք ապահովել Անդրանիկ Թևանյանի պաշտպանության բոլոր իրավունքները, դատարանի իրական անկախությունը:
Մենք պահանջում ենք հրապարակային արդարադատություն և ոչ թե կոծկվող գործընթաց, ինչը հիմք է տալիս մտածելու, որ տեղի ունեցողը քաղաքական հաշվեհարդար է:
Մենք ընտրում ենք իրավական պետությունը, նույնը պահանջում ենք իշխող ուժից:
Ազատությո՛ւն Անդրանիկ Թևանյանին և բոլոր քաղբանտարկյալներին:
Հրանտ Թոխատյան- դերասան, ՀՀ ժողովրդական արտիստ
Արամ Գևորգյան (Արամո)- երգիչ, ՀՀ վաստակավոր արտիստ
Էմմա Պետրոսյան- երգչուհի, երգահան, ՀՀ վաստակավոր արտիստ
Լևոն Հարությունյան-դերասան
Աննա Մայիլյան- երգչուհի, ՀՀ վաստակավոր արտիստ
Ներսիկ Իսպիրյան- երգիչ, ՀՀ վաստակավոր արտիստ
Դավիթ Ամալյան- երգիչ, երգահան, ՀՀ վաստակավոր արտիստ
Արթուր Սահակյան-ռեժիսոր
Աշոտ Ավագյան- նկարիչ, ՀՀ պետական մրցանակի դափնեկիր
Մարտին Վարդազարյան- կոմպոզիտոր, ՀՀ ժող. արտիստ
Արսինե Նավասարդյան- ռեժիսոր, դերասանուհի
Մուրադ Մշեցի- երգիչ, երգահան
Թաթուլ Մանասերյան- տնտեսագիտության դոկտոր, պրոֆեսոր
Ժիրայր Դադասյան- բեմադրիչ, արվեստի վաստակավոր գործիչ
Ռազմար Սասունցի- աշուղ, մշակույթի վաստակավոր գործիչ
Լևոն Ջավախյան- գրող, «Մովսես Խորենացի» մեդալակիր
Հուսիկ Արա- բանաստեղծ
Արփեն Մովսիսյան- մշակույթի վաստակավոր գործիչ
Սպարտակ Ղարաբաղցյան- գրող, հրապարակախոս
Մանուկ Հարությունյան- երաժիշտ, միջազգային մրցույթների դափնեկիր
Վահան Կարապետյան- օպերատոր, մշակույթի գործիչ
Սիրվարդ Համբարյան- մանկավարժ, կրթության փորձագետ
Սամվել Գալստյան-երգիչ, երգահան, պրոֆեսոր
Սամվել Թադևոսյան- ռեժիսոր, ՀՀ կինեմատոգրաֆիստների միության անդամ
Գուրգեն Մելիքյան- վաստակավոր մանկավարժ, պրոֆեսոր
Կարո Վարդանյան-գրականագետ, արվեստի վաստ. գործիչ
Սամվել Հարոյան-մշակույթի գործիչ
Լևոն Գալստյան- կինոսցենարիստ
Նառա Սարգսյան- բանասիրական գիտությունների թեկնածու
Արսեն Համբարյան- գրող, երգահան, երգիչ
Արտաշես Բախշյան- սոցիոլոգիական գիտությունների թեկնածու
Արշակ Զաքարյան- կինոռեժիսոր, սցենարիստ
Սարգիս Բաղդասարյան- երգիչ, մշակույթի վաստակավոր գործիչ
Աշխունջ Պողոսյան – ազգագրագետ, պատմական գիտությունների թեկնածու, դոցենտ
Արա Նախշքարյան- մշակույթի գործիչ
Կարո Շահբազյան- մշակույթի գործիչ
Մերուժան Տեր-Գուլանյան- գրող, հրապարակախոս
Աննա Ավետիսյան- երգչուհի
Ռազմիկ Մարտիրոսյան- սոցիոլոգ, հասարակագետ
Արմեն Մուսայելյան- տնտեսագետ, հասարակական գործիչ
Ատոմ Մխիթարյան- ՀՀ ԳԱԱ մագիստրատուրայի դեկան
Աստղիկ Ավետիսյան- ԵՊՀ դոցենտ
Վահան Եղիազարյան- հասարակական և մշակույթի գործիչ
Տիգրան Արզումանյան- քանդակագործ, ՀՀ վաստակավոր նկարիչ
Աղասի Թադևոսյան- դերասան
Հրաչ Գրիգորյան- Պետական կոնսերվատորիայի դոցենտ
Թադևոս Տոնոյան- բանաստեղծ, բ.գ.թ., դոցենտ
Լուսինե Հարոյան- սոցիոլոգ, հոգեբան
Տիգրան Չոբանյան- ճարտարապետ
Սուսաննա Մելիքյան- ազգագրագետ
Ռոբերտ Եսայան- բանաստեղծ, ՀԳՄ անդամ
Հովիկ Վարդումյան- գրող, ՀԳՄ նախագահության անդամ
Մենուա Սողոմոնյան- պատմական գիտությունների թեկնածու, դոցենտ
Ցոլակ Ակոպյան- քաղաքական գիտությունների թեկնածու, դոցենտ
Արմեն Մանվելյան- ՀՀ ԳԱԱ առաջատար մասնագետ
Կարապետ Հակոբյան- ինժեներ-էկոլոգ
Ռուբեն Հովհաննիսյան- մասսայական միջոցառումների ռեժիսոր
Արմինե Սարգսյան- պատմաբան, պատմական գիտությունների թեկնածու
Դավիթ Կարապետյան- մշակույթի գործիչ
Դավիթ Սարգսյան, հեռուստալրագրող, բանասիրական գիտությունների թեկնածու:
Հ. Գ. Մտավորականների կոչը բաց է ստորագրությունների համար:
«Մայր Հայաստան» ժողովրդական շարժում
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: