Հայաստանում հետախուզվող անձ է ձերբակալվել և հանձնվել Գերմանիային․ նա մեղադրվում է խմբակային բռնության մեջ

ՀՀ գլխավոր դատախազ Աննա Վարդապետյանը բավարարել է Գերմանիայի իրավասու մարմինների միջնորդությունը՝ համաձայնելով հետախուզվող Լ.Չ.-ին հանձնել գերմանական կողմին։ Գլխավոր դատախազության հաղորդմամբ՝ անձը մեղադրվում է մի խումբ անձանց կողմից կյանքին վտանգ սպառնացող մարմնական վնասվածք պատճառելու համար։ 

Գլխավոր դատախազության հաղորդագրությունը՝ ստորև․

Գլխավոր դատախազը բավարարել է Գերմանիայի միջնորդությունը. մեղադրվող անձը հանձնվել է Գերմանիայի Դաշնային Հանրապետության իրավասու մարմիններին

Հայաստանի Հանրապետության գլխավոր դատախազ Աննա Վարդապետյանը բավարարել է Գերմանիայի Դաշնային Հանրապետության իրավասու մարմնի միջնորդությունը. հետախուզվող անձ Լ.Չ.-ն հանձնվել է Գերմանիայի իրավասու մարմիններին:

Լ.Չ.-ն մեղադրվում է մի խումբ անձանց կողմից կյանքին վտանգ սպառնացող մարմնական վնասվածք պատճառելու համար: