«Ինչ որ հրաշքով տուժողը դառնում է մեղավոր, մեղավորը դառնում է տուժող, և այս իրավիճակում խոսել արդարադատության մասին՝ ծաղր, սատիրա է»,- ԲՀԿ առաջնորդ Գագիկ Ծառուկյանի գործով նիստից առաջ, լրագրողների հետ զրույցում ասաց ՀՅԴ Հայաստանի Գերագույն մարմնի անդամ Գառնիկ Դանիելյանը՝ հավելելով, որ ՀՀ-ում այլևս որոշումները չեն կայացվում արդարադատության սկզբունքով, այլ արդեն իսկ որոշված են՝ ով է մեղադրյալ, ով պիտի հայտնվի մեկուսարանում, ով պիտի հայտնվի քաղբանտարկյալի կարգավիճակում, «ով պիտի զնդաններում լինի, ով պիտի ԱԱԾ նկուղներում» լինի։
Ցավալին, ըստ նախկին պատգամավորի, այն է, որ այս ամեն ինչի հետևանքները զգում է իր վրա հայ մարդը, աշխատող մարդը, արարող մարդը, ստեղծող մարդը, հայրենիք, պատիվ ունեցող մարդիկ, որոնք որ, ի վերջո, նաև ենթարկվում են հալածանքների իրենց սկզբունքների, անկյունաքարային հարցերում, սկզբունքային հարցերում իրենց անկոտրում դիրքորոշման պատճառով և հետապնդվում են ոչ միայն իրենք, այլ իրենց ընտանիքի անդամները, իրենց մերձավորները։
Գառնիկ Դանիելյանի համոզմամբ, ԵԽԽՎ զեկույցը փաստում է «Բարգավաճ Հայաստան»-ը, որի ղեկավարն է Գագիկ Ծառուկյանը, ենթարկվել է հետապնդումների իշխանության կողմից, անցել է խորհրդարան, բայց․ «Իշխանության թեթև ձեռամբ, այսպես ասած, «ժողովրդավարական բաստիոնում» Ազգային ժողովում չի հայտնվել։ Այդ իսկ պատճառով Ազգային ժողովը լեգիտիմ չի»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: