https://arm.sputniknews.ru/20261015/hajturqakan-sahmany-karvogh-e-bacvel-aveli-shut-qan-nvor-banagnac-knshanakvi-mirzvojan-108138136.html
Հայ–թուրքական սահմանը կարող է բացվել ավելի շուտ, քան նոր բանագնաց կնշանակվի․ Միրզոյան
Հայ–թուրքական սահմանը կարող է բացվել ավելի շուտ, քան նոր բանագնաց կնշանակվի․ Միրզոյան
Sputnik Արմենիա
Միրզոյանն ընդգծեց, որ հայ-թուրքական կարգավորման վերջնական նպատակը հարաբերությունների ամբողջական կարգավորումն ու սահմանի լիարժեք բացումն է։ 15.10.2026, Sputnik Արմենիա
2026-10-15T11:08+0400
2026-10-15T11:08+0400
2026-10-15T11:08+0400
արարատ միրզոյան
https://cdn.am.imgsputniknews.ru/img/07ea/0a/0f/108133842_0:83:1600:983_1920x0_80_0_0_11bfcd90df9afeb88fecf2713899df88.jpg.webp
ԵՐԵՎԱՆ, 15 հոկտեմբերի – Sputnik․ Հայաստանի և Թուրքիայի միջև սահմանը կարող է բացվել ավելի շուտ, քան կողմերը կհասցնեն նոր բանագնացներ նշանակել։ Այս մասին հայտարարեց ՀՀ արտաքին գործերի և միջազգային առևտրի նախարար Արարատ Միրզոյանը ԵԱՀԿ գործող նախագահ, Շվեյցարիայի արտաքին հարաբերությունների դաշնային դեպարտամենտի ղեկավար Իգնասիո Կասիսի հետ հանդիպումից հետո՝ պատասխանելով հայ–թուրքական հարաբերությունների կարգավորման գործընթացում նոր բանագնացի նշանակման վերաբերյալ հարցին։«Անկեղծ ասած՝ հարցն այն է՝ նոր բանագնացի կարիք կա՞, թե՞ չկա, որովհետև կարող է պատահել՝ սահմանի բացումը տեղի ունենա ավելի շուտ, քան նոր բանագնացների թեկնածությունների համաձայնեցումը»,– ասաց Միրզոյանը։Նախարարը նշեց, որ հայ–թուրքական հարաբերությունների կարգավորման գործընթացն այնքան է հասունացել, որ ցանկացած օր հնարավոր է հասնել վերջնական և ամբողջական կարգավորման։ Նրա խոսքով՝ Հայաստանն ու Թուրքիան գրեթե ամենօրյա շփումների մեջ են, իսկ բանակցություններն ընթանում են շարունակաբար։«Բանակցությունները, որպես կանոն, քանի դեռ վերջնական պայմանավորվածություն և արդյունք չկա, ամբողջությամբ չեն ներկայացվում հանրությանը։ Հայաստան–Թուրքիա բանակցությունները ևս բացառություն չեն»,– շարունակեց Միրզոյանը։Անդրադառնալով հայ–թուրքական հարաբերությունների վերջին զարգացումներին՝ նախարարը հիշեցրեց, որ Թուրքիան վերացրել է Հայաստան ապրանքների արտահանման հետ կապված տեխնիկական արգելքը։ Նախկինում թուրք գործարարների համար արտահանման համապատասխան համակարգում Հայաստանը հասանելի ուղղությունների ցանկում չէր, իսկ այժմ այդ սահմանափակումը վերացվել է։ Թվարկեց շարունակվող Անիի կամրջի վերականգնման աշխատանքները, իսկ Գյումրի–Կարս երկաթուղու վերագործարկման հարցերով ստեղծված հայ–թուրքական աշխատանքային խումբը պարբերաբար հանդիպումներ է անցկացնում։Նա անդրադարձավ նաև Կարսում անցկացված հայ–թուրքական գործարար համաժողովին՝ նշելով, որ միջոցառումը երկու կողմում էլ մեծ հետաքրքրություն է առաջացրել։«Հիմա անհրաժեշտություն է առաջացել շարունակել, և կլինի Հայաստան–Թուրքիա գործարար համաժողով, գուցե ավելի ընդլայնված, քան նախորդը, արդեն Հայաստանում։ Հուսով եմ՝ այս անգամ ևս փակ սահմանը կբացվի, և դրանով կանցնեն հայ գործարարները»,– իր լավատեսությունն արտահայտեց նախարարը։Միրզոյանն ընդգծեց, որ հայ–թուրքական կարգավորման գործընթացում, թեև արդեն կան որոշակի պայմանավորվածություններ և գործնական արդյունքներ, ամբողջական կարգավորումը դեռևս ավարտված չէ։
2026
Լուրեր
am_HY
https://cdn.am.imgsputniknews.ru/img/07ea/0a/0f/108133842_90:0:1511:1066_1920x0_80_0_0_f785735d1192e67680bd05ccd1d7ec39.jpg.webp
արարատ միրզոյան
արարատ միրզոյան
Միրզոյանն ընդգծեց, որ հայ-թուրքական կարգավորման վերջնական նպատակը հարաբերությունների ամբողջական կարգավորումն ու սահմանի լիարժեք բացումն է։
ԵՐԵՎԱՆ, 15 հոկտեմբերի – Sputnik․ Հայաստանի և Թուրքիայի միջև սահմանը կարող է բացվել ավելի շուտ, քան կողմերը կհասցնեն նոր բանագնացներ նշանակել։ Այս մասին հայտարարեց ՀՀ արտաքին գործերի և միջազգային առևտրի նախարար Արարատ Միրզոյանը ԵԱՀԿ գործող նախագահ, Շվեյցարիայի արտաքին հարաբերությունների դաշնային դեպարտամենտի ղեկավար Իգնասիո Կասիսի հետ հանդիպումից հետո՝ պատասխանելով հայ–թուրքական հարաբերությունների կարգավորման գործընթացում նոր բանագնացի նշանակման վերաբերյալ հարցին։
«Անկեղծ ասած՝ հարցն այն է՝ նոր բանագնացի կարիք կա՞, թե՞ չկա, որովհետև կարող է պատահել՝ սահմանի բացումը տեղի ունենա ավելի շուտ, քան նոր բանագնացների թեկնածությունների համաձայնեցումը»,– ասաց Միրզոյանը։
Նախարարը նշեց, որ հայ–թուրքական հարաբերությունների կարգավորման գործընթացն այնքան է հասունացել, որ ցանկացած օր հնարավոր է հասնել վերջնական և ամբողջական կարգավորման։ Նրա խոսքով՝ Հայաստանն ու Թուրքիան գրեթե ամենօրյա շփումների մեջ են, իսկ բանակցություններն ընթանում են շարունակաբար։
«Բանակցությունները, որպես կանոն, քանի դեռ վերջնական պայմանավորվածություն և արդյունք չկա, ամբողջությամբ չեն ներկայացվում հանրությանը։ Հայաստան–Թուրքիա բանակցությունները ևս բացառություն չեն»,– շարունակեց Միրզոյանը։
Անդրադառնալով հայ–թուրքական հարաբերությունների վերջին զարգացումներին՝ նախարարը հիշեցրեց, որ Թուրքիան վերացրել է Հայաստան ապրանքների արտահանման հետ կապված տեխնիկական արգելքը։ Նախկինում թուրք գործարարների համար արտահանման համապատասխան համակարգում Հայաստանը հասանելի ուղղությունների ցանկում չէր, իսկ այժմ այդ սահմանափակումը վերացվել է։ Թվարկեց շարունակվող Անիի կամրջի վերականգնման աշխատանքները, իսկ Գյումրի–Կարս երկաթուղու վերագործարկման հարցերով ստեղծված հայ–թուրքական աշխատանքային խումբը պարբերաբար հանդիպումներ է անցկացնում։
Նա անդրադարձավ նաև Կարսում անցկացված հայ–թուրքական գործարար համաժողովին՝ նշելով, որ միջոցառումը երկու կողմում էլ մեծ հետաքրքրություն է առաջացրել։
«Հիմա անհրաժեշտություն է առաջացել շարունակել, և կլինի Հայաստան–Թուրքիա գործարար համաժողով, գուցե ավելի ընդլայնված, քան նախորդը, արդեն Հայաստանում։ Հուսով եմ՝ այս անգամ ևս փակ սահմանը կբացվի, և դրանով կանցնեն հայ գործարարները»,– իր լավատեսությունն արտահայտեց նախարարը։
Միրզոյանն ընդգծեց, որ հայ–թուրքական կարգավորման գործընթացում, թեև արդեն կան որոշակի պայմանավորվածություններ և գործնական արդյունքներ, ամբողջական կարգավորումը դեռևս ավարտված չէ։