ՀՀ սփյուռքի գործերի գլխավոր հանձնակատար Զարեհ Սինանյանն ընդունել է Հունգարիայի հայ համայնքի ներկայացուցիչներին։
Հանդիպմանը մասնակցել են Հունգարիայի խորհրդարանում հայ համայնքի ներկայացուցիչ, պատգամավոր Նիկողոս Հակոբյանը, Բուդապեշտի Հայ ինքնավարության ղեկավար Արմեն Մանուկյանը և Հունգարիայի Հայ ինքնավարության գրասենյակի ղեկավար Ռոնասեկի Լասլոն (Ronaszeki László)։
Հանդիպման ընթացքում քննարկվել են Հայաստանի և Հունգարիայի հայ համայնքի միջև կապերի ամրապնդման, համագործակցության զարգացման, ինչպես նաև համայնքային նախաձեռնությունների ընդլայնման հնարավորությունները։
Կողմերն ընդգծել են հայ համայնքի ներուժի համախմբման, Հայաստանի հետ կապերի առավել համակարգված զարգացման և փոխգործակցության խորացման կարևորությունը։
Անդրադարձ է կատարվել նաև ՀՀ սփյուռքի գործերի գլխավոր հանձնակատարի գրասենյակի կողմից իրականացվող ծրագրերին ու նախաձեռնություններին՝ քննարկելով դրանցում Հունգարիայի հայ համայնքի առավել ակտիվ ներգրավման հնարավորությունները։
Հանդիպման ավարտին կարևորվել է համայնքի ներկայացուցիչների ակտիվ մասնակցությունը Հայաստան–Սփյուռք գործակցության ամրապնդմանը և համատեղ նախաձեռնությունների իրականացմանը։
ՍՓՅՈՒՌՔԻ ԳԼԽԱՎՈՐ ՀԱՆՁՆԱԿԱՏԱՐԻ ԳՐԱՍԵՆՅԱԿ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: