Բաժանորդագրվեք araratnews-ի տելեգրամ ալիքին։
Վերջին 24 ժամվա ընթացքում Սաուդյան Արաբիայի զինված ուժերը 119 հարված են հասցրել Եմենի տարածքին։ Այս մասին հայտնել է հուսի ապստամբների «Անսար Ալլահ» շարժման ռազմական ներկայացուցիչ Յահյա Սարիան։
Իր Telegram-ալիքում Սարիան նշել է, որ սաուդյան ռազմական ինքնաթիռները վերջին մեկ օրվա ընթացքում իրականացրել են 119 ավիացիոն և հրթիռային հարված։
Նրա խոսքով՝ հարվածների թիրախ են դարձել քաղաքացիական օբյեկտները մայրաքաղաք Սանայում, ինչպես նաև Իբբ, Լահջ, Մարիբ, Սաադա, Թաիզ, Ալ-Բայդա և Ալ-Ջաուֆ նահանգներում։
Սարիան պնդում է, որ հարվածներն իրականացվել են F-15 և Typhoon կործանիչների միջոցով, որոնք օդ են բարձրացել Խամիս Մուշաիտ և Թաիֆ ռազմակայաններից, իսկ հրթիռները արձակվել են Նաջրանից և Ջիզանից։