Քաղաքականություն
09.10.2026 | 16:32
ԱԺ նախագահ Ռուբեն Ռուբինյանը ԵՄ դիտորդական առաքելության ղեկավար Սատու Կոյվուի հետ քննարկել է տարածաշրջանային կայունության և անվտանգության հարցերը՝ կարևորելով առաքելության գործունեության շարունակականությունն ու հետագա զարգացումը։
ԱԺ-ի հաղորդագրությունը՝ ստորև․
«ՀՀ Ազգային ժողովի նախագահ Ռուբեն Ռուբինյանը հոկտեմբերի 9-ին ընդունել է ՀՀ-ում Եվրոպական միության դիտորդական առաքելության ղեկավար Սատու Կոյվուին։
Հանդիպման ընթացքում անդրադարձ է կատարվել տարածաշրջանային կայունության և անվտանգության ապահովմանն առնչվող հարցերի։
Ռուբեն Ռուբինյանը շնորհակալություն է հայտնել ԵՄ դիտորդական առաքելությանը մինչ այժմ իրականացրած աշխատանքի համար՝ կարևորելով առաքելության գործունեության շարունակականությունն ու հետագա զարգացումը»։