Ֆրանսիայում ՀՀ դեսպան Արման Խաչատրյանը հանդիպել է Փարիզի Իլ-դը-Ֆրանսի Առևտրաարդյունաբերական պալատի (CCI Paris Île-de-France) նախագահ Դոմինիկ Ռեստինոյի հետ։
Հանդիպմանը քննարկվել են երկու երկրների միջև առևտրատնտեսական կապերի ընդլայնման, հայկական արտադրանքի արտահանման նոր շուկաներ գտնելու և ֆրանսիական ներդրումները Հայաստան խթանելու հնարավորությունները։
Կարևորվել է նաև հայ և ֆրանսիացի գործարարների միջև անմիջական կապերի զարգացումը։
Այս համատեքստում քննարկվել են Փարիզում գործարար հանդիպումների կազմակերպման և ֆրանսիական գործարար պատվիրակության՝ Հայաստան այցի հնարավորությունները։
Ֆրանսիայում ՀՀ դեսպանություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: