Օտարերկրյա պետություններում Սփյուռքի գործերի նոր հանձնակատարներ են նշանակել։ ՀՀ վարչապետ Նիկոլ Փաշինյանը ստորագրել է համապատասխան որոշումները։
Խավիեր Փոլադյան Ալաբաչյանը նշանակվել է օտարերկրյա պետություններում Սփյուռքի գործերի հանձնակատար՝ հասարակական հիմունքներով խորհրդականի կարգավիճակով։
Մյուս որոշմամբ նույն կարգավիճակով օտարերկրյա պետություններում Սփյուռքի գործերի հանձնակատար է նշանակվել նաև Հայկ Շահբազյանը։
Խավիեր Փոլադյան Ալաբաչյանը մինչ նշանակումը զբաղեցրել է ՀԲԸՄ (Հայկական բարեգործական ընդհանուր միություն) Ուրուգվայի մասնաճյուղի Կրթական բաժնի տնօրենի պաշտոնը։ Որպես կրթական ոլորտի ներկայացուցիչ՝ նա զբաղվել է Սփյուռքում Հայոց ցեղասպանության թեմայի դասավանդման և կրթական ծրագրերի մշակման հարցերով: