Աբու Դաբիում ընթացող ՄԱԿ-ի Հանցավորության կանխարգելման և քրեական արդարադատության 15-րդ կոնգրեսի շրջանակներում ՀՀ արդարադատության նախարար Սրբուհի Գալյանը հանդիպել է Արաբական Միացյալ Էմիրությունների արդարադատության նախարար Աբդուլլահ Սուլթան բին Ավադ Ալ Նուաիմիի հետ։
Հանդիպման հիմնական շեշտադրումներն ու պայմանավորվածությունները․
-
Արդարադատության ոլորտի խորացում․ Քննարկվել են երկու երկրների միջև իրավական և արդարադատության ոլորտներում երկկողմ համագործակցության ընդլայնմանն ու զարգացմանն առնչվող հարցեր։
-
Արբիտրաժ և վեճերի լուծում․ Կողմերը պայմանավորվել են համատեղ աշխատել վեճերի լուծման այլընտրանքային մեխանիզմների (ADR), մասնավորապես՝ արբիտրաժի ինստիտուտի զարգացման ուղղությամբ։
-
Փորձի փոխանակում․ Նախանշվել է խթանել Հայաստանի և ԱԱԷ-ի արբիտրաժային կենտրոնների միջև ուղիղ համագործակցությունն ու մասնագիտական փորձի փոխանակումը։