Քաղաքականություն
23.09.2026 | 09:40
Թուրքիայի նախագահ Ռեջեփ Թայիփ Էրդողանը Նյու Յորքում ՄԱԿ-ի Գլխավոր վեհաժողովի 81-րդ նստաշրջանում ունեցած ելույթում, տարբեր հարցերից զատ, անդրադարձել է նաև Հարավային Կովկասում իրավիճակին։
«Հարավային Կովկասի վերաբերյալ մեր դիրքորոշումը չափազանց հստակ է․ մենք ցանկանում ենք, որ Ադրբեջանի և Հայաստանի միջև հաստատվի տևական խաղաղություն։ Բարձր ենք գնահատում և աջակցում ենք պարոն Ալիևի և պարոն Փաշինյանի՝ լուծում գտնելու ուղղությամբ ցուցաբերած քաղաքական կամքը»,- հայտարարել է Էրդողանը։
Նա նաև նշել է, որ Անկարան վճռականորեն առաջ է մղում Հայաստանի հետ հարաբերությունների կարգավորման գործընթացը։
Թարգմանությունը՝ Էմմա Չոբանյանի