Սեպտեմբերի 22-ին մեկնարկել է Մարդու իրավունքների պաշտպան Անահիտ Մանասյանի աշխատանքային այցը Բրյուսել։ Այցի շրջանակում Պաշտպանը հանդիպել է Բելգիայի Մարդու իրավունքների պաշտպանության և խթանման դաշնային ինստիտուտի տնօրեն Մարտիեն Սխոտսմանսի հետ։
Հանդիպման ընթացքում քննարկվել են մարդու իրավունքների ազգային հաստատությունների անկախության երաշխավորման ոլորտում առկա խնդիրները, արդյունավետ գործունեության կառուցակարգերի կատարելագործման հարցերը, ինչպես նաև երկու հաստատությունների միջև համագործակցության զարգացման հնարավորությունները։
Ընդգծվել է, որ մարդու իրավունքների ազգային հաստատությունների անկախության ու արդյունավետ գործունեության երաշխիքները պետք է առկա լինեն ինչպես օրենսդրական մակարդակում, այնպես էլ գործնականում, իսկ ՄԻՊ հաստատությունների անկախությանը սպառնացող ցանկացած օրենսդրություն և պրակտիկա պետք է բացառվի։
Կողմերը կարևորել են մարդու իրավունքների պաշտպանության ազգային հաստատությունների միջև մասնագիտական կապերի ամրապնդումն ու լավագույն փորձի շարունակական փոխանակումը։
ՀՀ մարդու իրավունքների պաշտպան
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: