https://arm.sputniknews.ru/20260922/meghrium-qp-cucaky-kglkhavvori-qvocharjani-nakhkin-hamakiry-um-en-marti-netelu-kapanum-107136320.html
Մեղրիում ՔՊ ցուցակը կգլխավորի Քոչարյանի նախկին համակիրը. ո՞ւմ են «մարտի» նետելու Կապանում
Մեղրիում ՔՊ ցուցակը կգլխավորի Քոչարյանի նախկին համակիրը. ո՞ւմ են «մարտի» նետելու Կապանում
Sputnik Արմենիա
Գորիսում «Շանթ» դաշինքն է պատրաստվում մասնակցել ու իր թեկնածուին առաջադրել: 22.09.2026, Sputnik Արմենիա
2026-09-22T09:43+0400
2026-09-22T09:43+0400
2026-09-22T10:07+0400
տիմ ընտրություններ
https://cdn.am.sputniknews.ru/img/07e8/0a/1d/82422585_0:104:1600:1004_1920x0_80_0_0_d1fae862bcad454d367547455c95ba5a.jpg.webp
ԵՐԵՎԱՆ, 22 սեպտեմբերի -Sputnik. Առաջիկա ՏԻՄ ընտրություններում ՀՀ Սյունիքի մարզի Մեղրի համայնքում «Քաղաքացիական պայմանագրի» ցուցակը գլխավորելու է 41-ամյա գործարար Սերգո Գալստյանը, որը խորհրդարանական ընտրություններից օրեր առաջ է դարձել ՔՊ անդամ: Այս մասին գրում է «Ժողովուրդ» օրարթերթը:«2026 թվականի հունիսի 7-ի խորհրդարանական ընտրություններին նախորդած քարոզարշավի ընթացքում, երբ Մեղրի էր այցելել ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը, Գալստյանը եղել է նրա հանդիպմանն ակտիվ մասնակից։ Նա ներկա է եղել նաև Քոչարյանի փակ հանդիպմանը և այդ շրջանում իրեն ավելի մոտ է պահել ընդդիմադիր դաշտին։ ԱԺ ընտրություններից հետո պատկերը կտրուկ փոխվել է ու Գալստյանը հայտնվել է ՔՊ շարքում: Նրա՝ քաղաքական ճանապարհի այս կտրուկ շրջադարձը, Մեղրիում մի շարք հարցեր է առաջացնում»,- գրում է թերթը՝ վկայակոչելով իր աղբյուրները:Լրատվամիջոցը հիշեցրել է` այս գործընթացների ֆոնին ուշագրավ է այն, որ Մեղրիի գործող համայնքապետ Խաչատուր Անդրեասյանը սեպտեմբերի 9-ին ձերբակալվել, իսկ հաջորդ օրը կալանավորվել է ընդերքն առանց թույլտվության օգտագործելու, ինչպես նաև կաշառք տալու և ստանալու դեպքերի առնչությամբ քննվող քրեական վարույթի շրջանակում։Թերթի փոխանցմամբ՝ Անդրեասյանը ՔՊ-ական համայնքապետ էր, սակայն այս ընտրություններում ՔՊ-ի ցուցակում չընդգրկվեց։ Նրա կալանավորումից հետո Մեղրիում ընտրական «խաղաթղթերը» փոխվել են, իսկ գործող համայնքապետը, չնայած կալանավորված լինելուն, հայտարարել էր, որ շարունակում է մնալ ՔՊ անդամ։Օրաթերթի աղբյուրները պնդում են, որ Մեղրիում Գալստյանի առաջադրումը միանշանակ չի ընդունվել, և նրա շուրջ լուրջ աջակցություն չկա։ Մեղրիում մի հատված շարունակում է պահանջել Խաչատուր Անդրեասյանի վերադարձը քաղաքական դաշտ՝ չնայած նրա նկատմամբ խափանման միջոց ընտրված կալանքին։Ինչ վերաբերում է Կապանի առաջիկա ՏԻՄ ընտրություններին, ապա «Հրապարակ» օրաթերթը գրում է, որ այստեղ «Շանթ» դաշինքն է որոշել մասնակցել ու համայնքապետի թեկնածու են առաջադրելու գործող ղեկավարին՝ Գևորգ Փարսյանին:«2021 թվականի տեղական ընտրությունների ժամանակ այս դաշինքը բավականին ակտիվ է եղել, Սյունիքի որոշ համայնքներում մասնակցել է և բավականին շատ ձայներ ստացել` ավագանիների կազմում խմբակցություններ ձևավորելով, ուստի այս անգամ էլ է որոշել մասնակցել ընտրություններին: «Շանթ դաշինք» կուսակցությունը Կապանում ունի կուսակիցների որոշակի բանակ և բավականին թվով ձայներ: ՔՊ-ն էլ կրկին որոշել է առաջադրել Նարեկ Բաբայանին, որը մի անգամ արդեն պարտվել է Փարսյանին»,- գրում է թերթը:
2026
Լուրեր
am_HY
https://cdn.am.sputniknews.ru/img/07e8/0a/1d/82422585_177:0:1600:1067_1920x0_80_0_0_57edc1c6e20d90189b51276c7894d6b3.jpg.webp
տիմ ընտրություններ
տիմ ընտրություններ
Գորիսում «Շանթ» դաշինքն է պատրաստվում մասնակցել ու իր թեկնածուին առաջադրել:
ԵՐԵՎԱՆ, 22 սեպտեմբերի -Sputnik. Առաջիկա ՏԻՄ ընտրություններում ՀՀ Սյունիքի մարզի Մեղրի համայնքում «Քաղաքացիական պայմանագրի» ցուցակը գլխավորելու է 41-ամյա գործարար Սերգո Գալստյանը, որը խորհրդարանական ընտրություններից օրեր առաջ է դարձել ՔՊ անդամ: Այս մասին գրում է «Ժողովուրդ» օրարթերթը:
«2026 թվականի հունիսի 7-ի խորհրդարանական ընտրություններին նախորդած քարոզարշավի ընթացքում, երբ Մեղրի էր այցելել ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը, Գալստյանը եղել է նրա հանդիպմանն ակտիվ մասնակից։ Նա ներկա է եղել նաև Քոչարյանի փակ հանդիպմանը և այդ շրջանում իրեն ավելի մոտ է պահել ընդդիմադիր դաշտին։ ԱԺ ընտրություններից հետո պատկերը կտրուկ փոխվել է ու Գալստյանը հայտնվել է ՔՊ շարքում: Նրա՝ քաղաքական ճանապարհի այս կտրուկ շրջադարձը, Մեղրիում մի շարք հարցեր է առաջացնում»,- գրում է թերթը՝ վկայակոչելով իր աղբյուրները:
Լրատվամիջոցը հիշեցրել է` այս գործընթացների ֆոնին ուշագրավ է այն, որ Մեղրիի գործող համայնքապետ Խաչատուր Անդրեասյանը սեպտեմբերի 9-ին ձերբակալվել, իսկ հաջորդ օրը կալանավորվել է ընդերքն առանց թույլտվության օգտագործելու, ինչպես նաև կաշառք տալու և ստանալու դեպքերի առնչությամբ քննվող քրեական վարույթի շրջանակում։
Թերթի փոխանցմամբ՝ Անդրեասյանը ՔՊ-ական համայնքապետ էր, սակայն այս ընտրություններում ՔՊ-ի ցուցակում չընդգրկվեց։ Նրա կալանավորումից հետո Մեղրիում ընտրական «խաղաթղթերը» փոխվել են, իսկ գործող համայնքապետը, չնայած կալանավորված լինելուն, հայտարարել էր, որ շարունակում է մնալ ՔՊ անդամ։
Օրաթերթի աղբյուրները պնդում են, որ Մեղրիում Գալստյանի առաջադրումը միանշանակ չի ընդունվել, և նրա շուրջ լուրջ աջակցություն չկա։ Մեղրիում մի հատված շարունակում է պահանջել Խաչատուր Անդրեասյանի վերադարձը քաղաքական դաշտ՝ չնայած նրա նկատմամբ խափանման միջոց ընտրված կալանքին։
Ինչ վերաբերում է Կապանի առաջիկա ՏԻՄ ընտրություններին, ապա «Հրապարակ» օրաթերթը գրում է, որ այստեղ «Շանթ» դաշինքն է որոշել մասնակցել ու համայնքապետի թեկնածու են առաջադրելու գործող ղեկավարին՝ Գևորգ Փարսյանին:
«2021 թվականի տեղական ընտրությունների ժամանակ այս դաշինքը բավականին ակտիվ է եղել, Սյունիքի որոշ համայնքներում մասնակցել է և բավականին շատ ձայներ ստացել` ավագանիների կազմում խմբակցություններ ձևավորելով, ուստի այս անգամ էլ է որոշել մասնակցել ընտրություններին: «Շանթ դաշինք» կուսակցությունը Կապանում ունի կուսակիցների որոշակի բանակ և բավականին թվով ձայներ: ՔՊ-ն էլ կրկին որոշել է առաջադրել Նարեկ Բաբայանին, որը մի անգամ արդեն պարտվել է Փարսյանին»,- գրում է թերթը: