Սեպտեմբերի 10-ին արտառոց դեպք է տեղի ունեցել Արարատի մարզում։ Ժամը 15։40-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Մասիսի բաժնում տեղեկություն է ստացվել, որ սեպտեմբերի 9-ին գյուղերից մեկի միջնակարգ դպրոցում ուսուցչուհին հարվածել է 9-րդ դասարանի աշակերտին։
Ինչպես հայտնում է ֆոտոլրագրող Գագիկ Շամշյանը, ոստիկանության Մասիսի բաժնի ծառայողների կողմից ձեռնարկված օպերատիվ-հետախուզական միջոցառումների արդյունքում ստացված օպերատիվ տվյալն իրացնելիս պարզվել է, որ սեպտեմբերի 9-ին՝ ժամը 13։00-ի սահմաններում, նշված դպրոցի 9-րդ դասարանում «Աշխարհագրություն» առարկայի դասաժամին 14-ամյա Մ․ Գ․-ն զբաղված է եղել «չինգաչունգ» խաղալով, ինչը նկատել է տվյալ դասաժամի ուսուցչուհի, Արարատի մարզի բնակիչ 59-ամյա Ն․ Վ․-ն, և մոտենալով՝ 1 անգամ հարվածել է երեխայի դեմքին, որից հետո 1 անգամ ձեռքով հարվածել է մեջքին՝ պատճառելով ֆիզիկական ցավ։
Դեպքի փաստով ոստիկանության Մասիսի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Արարատի մարզային քննչական վարչության Մասիսի քննչական բաժին։
Մանրամասները՝ սկզբնաղբյուր կայքում։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: