Մարդու իրավունքների պաշտպան Անահիտ Մանասյանը շնորհավորական ուղերձ է հղել ՀՀ Անկախության տոնի առթիվ։ Ուղերձում ասվում է․
«Սիրելի՛ հայրենակիցներ,
Ի սրտե շնորհավորում եմ Հայաստանի Հանրապետության Անկախության տոնի առթիվ։
Անկախությունը մեր պետականության կարևորագույն արժեքներից է, իսկ դրա ամրապնդումն ու զարգացումը հնարավոր են միայն այնպիսի հասարակության պայմաններում, որտեղ մարդու իրավունքների և ազատությունների պաշտպանությունը, լիարժեք երաշխավորումը, մարդու արժանապատվության նկատմամբ հարգանքը և իրավունքի գերակայությունը հաստատուն արժեքներ են։
Այս ճանապարհին առանձնահատուկ կարևորություն ունեն փոխադարձ հարգանքը, հավասարությունը, հանդուրժողականությունը և խտրականության որևէ դրսևորման բացառումը։
Որպես Մարդու իրավունքների պաշտպան՝ վերահաստատում եմ իմ հանձնառությունը՝ շարունակելու հետևողական աշխատանքը յուրաքանչյուր անձի իրավունքների և ազատությունների պաշտպանության ու խթանման, մարդու արժանապատվության նկատմամբ հարգանքի ամրապնդման և իրավունքահեն հասարակության ձևավորման ուղղությամբ։
Վստահ եմ` մարդու իրավունքների երաշխավորման մշակույթի հետևողական ամրապնդումը, հանրային համերաշխության և փոխադարձ հարգանքի վրա հիմնված միջավայրի ձևավորումը կարևոր նշանակություն ունեն մեր պետության կայուն զարգացման և ժողովրդավարական արժեքների ամրապնդման համար։
Սիրելի՛ հայրենակիցներ,
Կրկին շնորհավորում եմ Անկախության օրվա առթիվ՝ մաղթելով խաղաղություն և իրավունքահեն արժեքների վրա հիմնված հասարակական միջավայր:
Թող մեր անկախ պետականությունն ամրանա մարդու իրավունքների և ազատությունների պաշտպանության, իրավունքի գերակայության և յուրաքանչյուր մարդու արժանապատվության նկատմամբ հարգանքի ամուր հենքի վրա։
Շնորհավո՛ր Անկախության տոնը»։
Դիտումների քանակ6