Անմեղության կանխավարկածն է խախտվել․ Տաթևի վարչական ղեկավարի պաշտպանները` կալանքի մասին

Անմեղության կանխավարկածն է խախտվել․ Տաթևի վարչական ղեկավարի պաշտպանները` կալանքի մասին

Անմեղության կանխավարկածն է խախտվել․ Տաթևի վարչական ղեկավարի պաշտպանները` կալանքի մասին

Sputnik Արմենիա

Պաշտպանները պնդում են՝ Վ․Ս․-ի՝ թրաֆիքինգի և բռնության ենթարկվելու հանգամանքը հերքվում է տարբեր փաստերով։ 16.09.2026, Sputnik Արմենիա

2026-09-16T18:15+0400

2026-09-16T18:15+0400

2026-09-16T18:15+0400

տաթև

գոռ մինասյան

ձերբակալություն

թրաֆիքինգ

https://cdn.am.sputniknews.ru/img/07e9/0b/0e/95836251_0:80:1500:924_1920x0_80_0_0_105cb02462214a89a3c63fd2ba7b065e.jpg.webp

ԵՐԵՎԱՆ, 16 սեպտեմբերի – Sputnik. «Տաթև բնակավայրի վարչական ղեկավարը կալանավորվել է անձին թրաֆիքինգի ենթարկելու համար» վերտառությամբ հաղորդագրությունն անմեղության կանխավարկածի խախտում է։ Այս մասին հայտարարություն են տարածել Գոռ Մինասյանի պաշտպաններ Արտակ Նավասարդյանն ու Սլավիկ Պողոսյանը։Նշենք, որ սեպտեմբերի 15-ին ՀՀ քննչական կոմիտեն հաղորդագրություն տարածեց այդ մասին՝ պնդելով, որ Մինասյանը թրաֆիքինգի է ենթարկել անասնապահ Վ․Ս-ին, որն իր մոտ աշխատում է 2020 թվականից։ Ըստ ՔԿ–ի` ամսական 150 000-200 000 դրամ վարձատրելու փոխարեն նա Վ․Ս․-ին տվել է 50 000-100 000 դրամ, ավելին` նա նշել է, որ իրենից պարտքով վերցված գումարները 6 մլն դրամով գերազանցել են վճարվելիք աշխատավարձը, և Վ․Ս․-ն պետք է շարունակի անվճար աշխատել մոտ 3 տարի։ ՔԿ–ն քննությամբ պարզել է, որ դրանք ուռճացված գումարներ են։Պաշտպանները պնդում են՝ Վ․Ս․-ի՝ թրաֆիքինգի և բռնության ենթարկվելու հանգամանքը հերքվում է վերջինիս կողմից ուղարկված անձնական հաղորդագրությունների բովանդակությամբ։ ՔԿ-ի ներկայացրած այդ վարկածը, ըստ փաստաբանների, հերքվում է նաև պաշտպանության կողմից փաստաբանական հարցման ենթարկված անձանց հայտնած փաստական տվյալներով, որոնք ներկայացվել են դատարանին։Նրանք նաև հայտնել են, որ Վ․Ս․-ն 2026 թվականի հուլիսի 25-ին իր հարազատ եղբորը 2 հաղորդագրություն է ուղարկել, եղբայրն էլ պարզաբանել է դրանք՝ նշելով, որ Վ․Ս․-ն, եթե Գոռ Մինասյանի դեմ չգրեր, ապա իրեն կալանավորելու էին։ Երկրորդ հաղորդագրությում էլ պնդել է, որ առերեսում լինի, ինչից հետո միայն կկարողանա դուրս գալ այն վայրից, որտեղ իրեն պահում են, և բոլոր հարցերը կլուծվեն։Նավասարդյանն ու Պողոսյանը նաև շեշտել են, որ տուժողի կարգավիճակ ունեցող անձի նկատմամբ պաշտպանական միջոցներ են կիրառված, այսինքն վերջինն իրավապահների հսկողության ներքո է։Փաստաբանները հիմնավոր կասկածներ ունեն, որ Վ․Ս․-ն հանցագործության մասին հաղորդումը և համապատասխան ցուցմունքը տվել է հարկադրանքի ազդեցության ներքո՝ սեփական անձի կալանավորման սպառնալիքից խուսափելու համար։Փաստաբանները նաև ընդգծել են, որ քրեական վարույթը նախաձեռնվել է 2026 թվականի հունիսի 28-ին, հետագայում ՀՀ ՔԿ նախագահի վերահսկողության տակ է վերցվել և տեղափոխվել ՀՀ ՔԿ հատկապես կարևոր գործերի քննության գլխավոր վարչություն։ Ըստ պաշտպանների՝ վարույթը ՀՀ ՔԿ նախագահի վերահսկողության տակ վերցվելուց հետո տեղի ունեցած դատավարական գործողությունների ժամանակագրությունը կասկած է հարուցում, որ Մինասյանի ձերբակալումն իրականացվել է այնպես, որ խափանման միջոց կալանք կիրառելու միջնորդությունը մակագրվի կոնկրետ դատավորի՝ երաշխավորելով դրա բավարարումը։Գոռ Մինասյանը ձերբակալման որոշումը կայացվել է սեպտեմբերի 9-ին, բայց փաստացի ձերբակալումը եղել է սեպտեմբերի 14-ին (այդ ժամանակ այլ քրեական վարույթի շրջանակում նա եղել է տնային կալանքի տակ)։ Մինասյանը կալանավորվել է սեպտեմբերի 15-ին։Հիշեցնենք, որ Մինասյանի նկատմամբ հարուցվել է հանրային քրեական հետապնդում՝ մարդու թրաֆիքինգի կամ շահագործման հոդվածով:

տաթև