Իմունային համակարգը չի կարող թուլանալ որևէ մեկ կոնկրետ սննդամթերքի պատճառով։ Բացասական ազդեցությունը պայմանավորված է սննդակարգում որոշակի բաղադրիչների՝ օրինակ՝ շաքարի, աղի և հագեցած ճարպերի կանոնավոր ավելցուկով, որոնք զուգորդվում են օրգանիզմի համար անհրաժեշտ սննդանյութերի պակասով։
Այս մասին RT-ին հայտնել է բժիշկ Յանա Կամենևան։
«Նախ և առաջ պետք է սահմանափակել հավելյալ շաքար պարունակող մթերքների՝ օրինակ՝ քաղցր գազավորված ըմպելիքների, հրուշակեղենի և մեծ քանակությամբ քաղցր թխվածքների օգտագործումը։ Այդ մթերքները օրգանիզմին մեծ քանակությամբ կալորիաներ են տալիս, սակայն պարունակում են քիչ քանակությամբ վիտամիններ, հանքանյութեր և այլ կարևոր նյութեր։ Եթե դրանք կանոնավոր կերպով փոխարինում են լիարժեք սննդին, ապա սննդակարգը դառնում է պակաս բազմազան», — պարզաբանել է նա։
«Մեկ այլ խումբ, որից պետք է խուսափել, խիստ վերամշակված մթերքներն են. դրանց թվին են պատկանում արագ սննդի որոշ տեսակներ, վերամշակված մսամթերքը, նախուտեստները (սնեքները) և զանգվածային արտադրության քաղցրավենիքը»,- ընդգծել է փորձագետը։
Այդ մթերքներն աչքի են ընկնում աղի, հագեցած ճարպերի և հավելյալ շաքարի բարձր պարունակությամբ, ուստի խորհուրդ է տրվում վերահսկել դրանց օգտագործումը։