Գերմանիայի տարածաշրջանային ընտրություններում «Այլընտրանք Գերմանիայի համար» (AfD) կուսակցության հաջողությունից հետո ԱՄՆ նախագահ Դոնալդ Թրամփը վստահություն է հայտնել, որ երկրի քաղաքացիները այլևս չեն հանդուրժի իշխանությունների միգրացիոն քաղաքականությունը։
«Գերմանիայի պոպուլիստական կուսակցությունը հենց նոր իսկապես հաջող գիշեր ունեցավ։ Ժողովուրդը վերջապես հոգնել է Գերմանիային այդքան վնաս պատճառած սարսափելի միգրացիոն կանոններից և կարգավորումներից։ Նրանք ոտքի են կանգնում և այլևս չեն հանդուրժի դա», – գրել է ամերիկացի առաջնորդը «Truth Social»-ում։
Նա նաև կոչ է արել Գերմանիան կրկին «մեծ» դարձնել՝ կրկնելով իր 2016 թվականի ընտրարշավի «Ամերիկան կրկին դարձնենք մեծ» գլխավոր կարգախոսը։
ԱՄՆ առաջնորդը նախկինում բազմիցս քննադատել է Վաշինգտոնի եվրոպացի դաշնակիցներին իրենց չափազանց մեղմ միգրացիոն քաղաքականության համար։