Երևանում անցկացվում է հայ-թուրքական երկօրյա գործարար համաժողով․ ՀՀ–ում ԵՄ պատվիրակության ղեկավարն այն անվանել է «պատմական»

ԵՐԵՎԱՆ, 3 սեպտեմբերի․/ԱՌԿԱ/․ Երևանում ընթանում է Հայաստանի արդյունաբերողների և գործարարների միության կազմակերպած հայ-թուրքական երկօրյա գործարար համաժողովը: Հայաստանում ԵՄ պատվիրակության ղեկավար Վասիլիս Մարագոսը, ելույթ ունենալով համաժողովի բացմանը, այն անվանել է «պատմական»:

«Ինձ համար իսկապես մեծ հաճույք և պատիվ է մասնակցել այս միջոցառմանը: Ցանկանում եմ հավաստիացնել, թե որքան է Եվրոպական միությունն աջակցում գործարար համայնքների միջև շփումներին, Թուրքիայի և Հայաստանի միջև հարաբերությունների կարգավորմանը, ինչպես նաև փոխկապակցվածության ոլորտում նոր նախագծերին ու գործարար կապերին»,- ասաց Մարագոսը:

Նրա խոսքով՝ տարածաշրջանում խաղաղությունն ու հարաբերությունների կարգավորումն ունակ են օգուտ բերել բոլոր կողմերին՝ նպաստելով նոր աշխատատեղերի ստեղծմանը, ներդրումների ներգրավմանը և կայունության ամրապնդմանը:

«Հենց այս հանդիպումը, ձեր ժամանումը Հայաստան շատ լավ ազդանշան է: Սա շատ լավ ազդանշան է Բրյուսելի համար»,- ընդգծեց Եվրոպատվիրակության ղեկավարը:

Նա համոզմունք հայտնեց, որ շփումների հետագա զարգացումը նոր հնարավորություններ կստեղծի բիզնեսի և զբաղվածության համար, ինչպես նաև թույլ կտա սահմանի երկու կողմերում գտնվող մարդկանց ավելի լավ ճանաչել միմյանց:

Աջակցություն մասնավոր հատվածին

Խոսելով Հայաստանի և ԵՄ-ի միջև հարաբերությունների զարգացման մասին՝ Մարագոսն առանձնացրեց երկու հիմնական ուղղություն, որոնցից մեկը մասնավոր հատվածի աջակցությունն է:

Նրա խոսքով՝ գործարկվել են մի շարք նախաձեռնություններ՝ ուղղված Հայաստանից և Եվրոպայից մասնավոր ներդրումների խթանմանը, ընդ որում՝ համապատասխան առաջարկների ընդունումը մնում է բաց:

«Եվրոպական միությունն արդեն բավականին տևական ժամանակ է, ինչ աջակցում է Հայաստանի մասնավոր հատվածին վարկային գործառնությունների, իրացվելիության տրամադրման, Կենտրոնական բանկի և առևտրային բանկերի հետ համագործակցության միջոցով: Միայն անցյալ տարի մենք հատկացրել ենք ավելի քան 200 մլն եվրո»,- հայտարարեց Մարագոսը:

Երկրորդ կարևոր ուղղություն նա անվանեց փոխկապակցվածության զարգացումը, այդ թվում՝ տրանսպորտային և էներգետիկ:

Ենթակառուցվածքներ և էներգետիկա 

Մարագոսը նշեց, որ ԵՄ-ն արդեն երկար ժամանակ մասնակցում է Հայաստանում ենթակառուցվածքային նախագծերի, մասնավորապես՝ «Հյուսիս–Հարավ» ավտոմայրուղու աջակցմանը, և զգալի ներուժ է տեսնում նման նախագծերում բիզնեսի և եվրոպացի գործընկերների ավելի լայն մասնակցության համար:

Եվրոպատվիրակության ղեկավարը հիշատակեց նաև հայ-ամերիկյան TRIPP նախագիծը՝ նշելով Եվրոմիության աջակցությունը տարածաշրջանային փոխկապակցվածության զարգացմանն ուղղված գործընթացներին: 

Ընդ որում, նրա խոսքով, խոսքը վերաբերում է ոչ միայն տրանսպորտային ենթակառուցվածքին:

«Էներգետիկան և էլեկտրաէներգիան կդառնան մեր ապագա համագործակցության շատ կարևոր մասը: Գոյություն ունի էլեկտրաէներգետիկայի ոլորտում Հայաստանի և Թուրքիայի միջև փոխգործակցության ներուժ»,- ասաց Մարագոսը:

Նա նշեց, որ Եվրոմիությունը ներդրումներ է կատարում Հայաստանում էներգետիկ նոր նախագծերում, արդեն իրականացվում են մի շարք նախագծեր արևային էներգետիկայի ոլորտում:

Բացի այդ, իրականացվում է ավելի քան 500 մլն եվրո արժողությամբ ներդրումային նախագիծ՝ ուղղված Հայաստանի և Վրաստանի միջև միջհամակարգային էլեկտրահաղորդման գծի զարգացմանը:

Մարագոսը նաև նշեց էլեկտրաէներգիայի կուտակման համակարգերի հեռանկարայնությունն՝ ընդգծելով, որ պահպանման մարտկոցային համակարգերը եվրոպական երկրներում դառնում են ներդրումների կարևոր նոր ուղղություններից մեկը:

Խաղաղություն և կարգավորում տարածաշրջանում

Առանձին Մարագոսն անդրադարձաց Հայաստանի և Ադրբեջանի միջև խաղաղության գործընթացին և դրա նշանակությանը տարածաշրջանային կարգավորման համար:

«Շատ կարևոր իրադարձություններ են տեղի ունեցել անցյալ տարվանից, երբ Վաշինգտոնում նախաձեռնվեց խաղաղության համաձայնագիրը Հայաստանի և Ադրբեջանի միջև: Դա դարձավ մեր ամերիկացի գործընկերների կողմից աջակցության շատ կարևոր ազդանշան»,- ասաց նա։

Եվրապատվիրակության ղեկավարի խոսքով՝ գործարար և մարդկային կապերի զարգացումը կարող է դառնալ տարածաշրջանում կարգավորման գործընթացի գործնական հիմքերից մեկը:

«Դա առևտուրն է և մարդկանց միջև փոխգործակցությունը: Հենց ձեզ նման մարդիկ կանեն այնպես, որ խաղաղությունն ու կարգավորումն իրապես աշխատեն տեղերում: Դա կախված է ոչ միայն կառավարություններից և ոչ միայն եվրոպական ինստիտուտներից»,- ընդգծեց Մարագոսը:

Նա նշեց, որ ԵՄ-ն մտադիր է շարունակել նման նախաձեռնությունների և գործարար համայնքների միջև շփումների աջակցությունը, ինչպես նաև ընդգծեց երիտասարդության միջև փոխգործակցության, լեզուների ուսումնասիրության և փոխըմբռնման ամրապնդման կարևորությունը:

Մարագոսի խոսքով՝ նման շփումներն անհրաժեշտ են առևտրի կայուն զարգացման, համատեղ գործարար հնարավորությունների ստեղծման և զբոսաշրջության ոլորտում համագործակցության ընդլայնման համար:

«Կարծում եմ, որ զբոսաշրջային ներուժը սահմանի երկու կողմերում իսկապես հսկայական է: Դա կստեղծի բազմաթիվ նոր հնարավորություններ զբաղվածության և ներդրումների համար»,- ասաց նա:

Մարագոսն ավելացրեց, որ համագործակցությունը կարող է նաև նպաստել շրջակա միջավայրի պահպանության և ջրային ռեսուրսների պաշտպանության ոլորտում ընդհանուր խնդիրների լուծմանը:

«Եվրոպական միությունը պատրաստ է աջակցել նման նախաձեռնություններին»,- հայտարարեց Եվրապատվիրակության ղեկավարը:

Առևտուր և տարածաշրջանային կարգավորում

Եվրապատվիրակության ղեկավարն ընդգծեց ԵՄ աջակցությունը Հայաստանին առևտրի ոլորտում և կարևորեց առևտրատնտեսական կապերը տարածաշրջանային կարգավորման գործընթացի համար:

Նրա խոսքով՝ ձեռնարկատերերի միջև ուղղակի շփումների զարգացումն ունակ է դառնալու խաղաղության ամրապնդման գործնական գործիքներից մեկը:

Նա կարևորեց ձեռնարկատերերի, երիտասարդության և երկու երկրների բնակիչների միջև շփումների հետագա զարգացումն՝ ընդգծելով համատեղ բիզնես-նախագծերի և զբոսաշրջության հեռանկարները:

«Զբոսաշրջային ներուժը սահմանի երկու կողմերում իսկապես հսկայական է: Դա կստեղծի բազմաթիվ նոր հնարավորություններ զբաղվածության և ներդրումների համար»,- ասաց Մարագոսը։

Նրա խոսքով՝ համագործակցության ընդլայնումը նաև թույլ կտա Հայաստանին և Թուրքիային համատեղ աշխատել այնպիսի հարցերի շուրջ, ինչպիսիք են շրջակա միջավայրի պահպանությունը և ջրային ռեսուրսների պաշտպանությունը:

«Եվրոպական միությունը պատրաստ է աջակցել նման նախաձեռնություններին»,- ընդգծեց Մարագոսը:

Երկօրյա համաժողովը կազմակերպվել է ԵՄ ֆինանսավորմամբ իրականացվող «Աջակցություն Հայաստան-Թուրքիա հարաբերությունների կարգավորմանը. միջսահմանային կապերի ամրապնդում» ծրագրի շրջանակում։