Ռուսաստանի նախագահ Վլադիմիր Պուտինը Բիշքեկում՝ Շանհայի համագործակցության կազմակերպության գագաթնաժողովի շրջանակում, Նիկոլ Փաշինյանի հետ հանդիպման ժամանակ հայտարարել է, որ Հայաստանի՝ Եվրամիությանն անդամակցելու ձգտումը երկրի օրինական իրավունքն է, սակայն դա բարդություններ է ստեղծում՝ այդ թվում՝ ԵԱՏՄ-ին Հայաստանի անդամակցության պատճառով։
Պուտինը նշել է, որ Հայաստանի՝ ԵՄ անդամակցության գործընթաց սկսելու մասին օրենքի ընդունումը, ըստ էության, նշանակում է հայտարարություն՝ ԵԱՏՄ-ից դուրս գալու մասին։
ՌԴ նախագահը նաև նշել է, որ որքան արագ Հայաստանը հստակեցնի ԵՄ անդամակցության հարցը, այնքան լավ, քանի որ Ռուսաստանը պետք է հասկանա՝ ինչպես է հետագայում կառուցելու հարաբերությունները Հայաստանի հետ։
Պուտինն առաջարկել է ԵՄ անդամակցության հարցը թողնել Հայաստանի ժողովրդի որոշմանը՝ անցկացնելու հանրաքվե և պարզելու, թե ինչ են ցանկանում Հայաստանի քաղաքացիները։
Նրա խոսքով՝ Ռուսաստանը շարունակում է մնալ Հայաստանի հիմնական տնտեսական գործընկերը, եւ բերել է թվային տվյալներ. 2026 թվականի սկզբից երկու երկրների միջև առևտրաշրջանառությունը կազմել է 2,5 միլիարդ դոլար։Իսկ ԵԱՏՄ-ին Հայաստանի անդամակցության արդյունքում ՀՀ-ի ՀՆԱ-ն եռապատկվել է, հայկական ապրանքների արտահանումն աճել է 10 անգամ:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: