Հասարակություն
27.08.2026 | 13:18
Կառավարությունը հաստատեց Հայաստանի ազգային պոլիտեխնիկական համալսարանի ռեկտորի ընտրության արդյունքները։ ՀԱՊՀ-ն առաջիկա հինգ տարիներին կղեկավարի տեխնիկական գիտությունների թեկնածու Գոռ Վարդանյանը։
ԿԳՄՍ նախարար Ժաննա Անդրեասյանի խոսքով՝ ռեկտորի ընտրության մրցույթը տեղի է ունեցել հուլիսի 29-ին։ Մրցույթին մասնակցելու համար գրանցվել էր երեք թեկնածու, իսկ ընտրությունն անցկացվել է մեկ փուլով։ Գոռ Վարդանյանը ստացել է հոգաբարձուների խորհրդի 18 անդամի կողմ ձայնը։
Անդրեասյանը նշեց, որ Վարդանյանն արդեն ղեկավարել է համալսարանը և այդ ընթացքում բուհն ունեցել է մի շարք արդյունքներ։ Նրա խոսքով՝ Վարդանյանի կառավարման փորձը կարևոր է հատկապես բարձրագույն կրթության բարեփոխումների առաջիկա փուլում։
«Մեզ համար խիստ առանցքային է տեխնոլոգիական բուհի ձևավորումը, որի համար Պոլիտեխնիկական համալսարանը ունենալու է առանցքային նշանակություն»,- ասաց նախարարը։
Նա հավելեց, որ կառավարության ծրագրով նախատեսվում է մինչև ծրագրի ավարտը տեխնոլոգիական կլաստերը ձևավորել Ակադեմիական քաղաքում, ինչի շրջանակում Պոլիտեխնիկական համալսարանին մեծածավալ աշխատանք է սպասվում։
Մանրամասները` տեսանյութում:
Արփի Հակոբյան