Հոկտեմբերի 31-ին ՀՀ պաշտպանության նախարարության N զորամասում արտակարգ ու ողբերգական դեպք է գրանցվել․ հայտնաբերվել է զինծառայող Տ. Ս.-ի դին՝ հրազենային վնասվածքով։ Պաշտպանության նախարարության մամուլի ծառայության փոխանցմամբ՝ զինծառայողի ընտանիքը սահմանված կարգով արդեն տեղեկացված է պատահարի մասին։
Դեպքի բոլոր հանգամանքները, պատճառներն ու մանրամասներն ամբողջովին պարզելու նպատակով ընթանում է քննություն։ Պաշտպանության նախարարությունը վշտակցություն և զորակցություն է հայտնել զինծառայողի ընտանիքի անդամներին, հարազատներին ու ծառայակիցներին։