«Դրա իրավական որոշ ճանապարհներ կան, միանշանակ դրանք իրացվելու են»,-Aravot.am-ի հարցին՝ պայքարելո՞ւ եք, որպեսզի ԱԺ-ի կանոնակարգ օրենքի խախտումը վերացվի, լինի պատասխանատվություն, լրագրողների հետ ճեպազրույցում այսպես պատասխանեց ԱԺ փոխնախագահ, «Ուժեղ Հայաստան» խմբակցության պատգամավոր Արամ Վարդևանյանը։
Հիշեցնենք՝ ԱԺ-ն ընդմիջել է խորհրդարանի ձևավորման գործընթացը՝ մասնավորապես ԱԺ երկու մշտական հանձնաժողովների նախագահներ դեռ ընտրված չեն և անցել ՀՀ կառավարության ծրագրի քննարկմանը։
Հարցին՝ իսկ ԱԺ Կանոնակարգ օրենքի խախտումը վերացնելու համար ԱԺ նիստերի դահլիճում պայքարելո՞ւ եք, Արամ Վարդևանյանն ի պատասխան վստահեցրեց․ «Միանշանակ, դահլիճում էլ, ԱԺ Կանոնակարգ սահմանադրական օրենքի տրամաբանությամբ էլ»։
Տաթև ՀԱՐՈՒԹՅՈՒՆՅԱՆ
Տեսանյութը՝ Աշոտ Հակոբյանի
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: