Բաժանորդագրվել
Ըստ նախնական տվյալների՝ տուժածներ չկան։
ԵՐԵՎԱՆ, 14 օգոստոսի – Sputnik․ Երևանի Տիգրան Մեծի պողոտայում փլուզվել են շինարարական կառուցատարրեր, ընկել երթևեկելի հատված և մայթին։ Տեղեկությունը հայտնում է ՆԳՆ փրկարար ծառայությունը։
Նշվում է, որ դեպքի վերաբերյալ ՆԳՆ 112 օպերատիվ կառավարման կենտրոն ահազանգ է ստացվել օգոստոսի 14-ին՝ ժամը 20։46-ին։ Դեպքի վայր են մեկնել ՆԳՆ փրկարար ծառայության և ոստիկանության օպերատիվ խմբեր։
Ըստ նախնական տվյալների՝ տուժած անձինք չկան․ վնասվել է 4 ավտոմեքենա։
Հավելենք, որ մայրաքաղաքում ուժեղ անձրևի ու քամու հետևանքները զգացվել են նաև քաղաքի այլ հատվածներում։