Կյուսյու կղզում երկու հզոր երկրաշարժ է գրանցվել, այս մասին հայտնում է Ճապոնիայի Գլխավոր օդերևութաբանական գործակալությունը։
Առաջին՝ 7,1 մագնիտուդով երկրաշարժը տեղի է ունեցել տեղական ժամանակով 16:27-ին։
Նշվում է, որ օջախը գտնվել է Կումամոտո նահանգում՝ մոտ 10 կիլոմետր խորության վրա։
Արիակե և Յացուսիրո ծոցերի ափամերձ շրջանների համար ցունամիի սպառնալիք է հայտարարվել։
Երկրորդ՝ 6,1 մագնիտուդով երկրաշարժն արձանագրվել է նույն շրջանում՝ 17:08-ին, օջախը եղել է ոչ մեծ խորության վրա։
Տուժածների մասին տվյալներ դեռևս չկան։
Այնուամենայնիվ, տեղական ԶԼՄ-ները հայտնում են, որ ստորգետնյա ցնցումները հանգեցրել են ճանապարհների վնասման, տների ավերման և հրդեհների Կյուսյու կղզում։ Բացի այդ, մի շարք շրջաններում արձանագրվել է էլեկտրամատակարարման անջատում։
Ճապոնիայի վարչապետի աշխատակազմին առընթեր ճգնաժամային կենտրոնում ստեղծվել է օպերատիվ շտաբ։
Sputnik Արմենիա