Կառավարությունն այսօրվա նիստում չզեկուցվող հարցերի թվում հաստատեց որոշում, որով կառավարության պահուստային ֆոնդից ՀՀ վարչապետի աշխատակազմին հատկացրեց 660 հազար անգլիական ֆունտ ստեռլինգին համարժեք դրամ՝ միջազգային դատարաններում եւ արբիտրաժներում ՀՀ շահերի ներկայացման նպատակով։
Ըստ կառավարության հիմնավորման՝ որոշման նպատակն է ֆինանսական միջոցներ հատկացնել «Միջազգային դատարաններում, միջազգային արբիտրաժներում եւ այլ միջազգային ատյաններում ՀՀ շահերի ներկայացում եւ պաշտպանություն, դրանց կողմից ընդունված վճիռների և որոշումների կատարման ապահովում» ծրագրի «Հայաստանի Հանրապետության շահերի ներկայացմանն ու պաշտպանությանն ուղղված փաստաբանական, իրավաբանական ծառայություններ» միջոցառմանը։
Նախագիծը մշակվել է վարչապետի աշխատակազմի կողմից։ «Նախագծի ընդունման արդյունքում ՀՀ կառավարության պահուստային ֆոնդից ՀՀ վարչապետի աշխատակազմին կհատկացվի 660 հազար անգլիական ֆունտ ստեռլինգին համարժեք դրամ»,- նշված է որոշման մեջ։
Ռոզա ՀՈՎՀԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: