Հայաստանի ուժային եռամարտի ֆեդերացիան իր զորակցությունն ու աջակցությունն է հայտնում Հայաստանի ազգային օլիմպիական կոմիտեի նախագահ Գագիկ Ծառուկյանին՝ մաղթելով շուտափույթ ազատում։
Հիշեցնենք, որ հուլիսի 9-ին Հայաստանի բազկամարտի և բռնցքամարտի ֆեդերացիաները, նաև ՀԱՕԿ–ը, նույնպես իրենց զորակցությունն են հայտնել «Բարգավաճ Հայաստան» կուսակցության առաջնորդ, Հայաստանի ազգային օլիմպիական կոմիտեի նախագահ Գագիկ Ծառուկյանին։
Ավելի վաղ NEWS.am–ը հայտնել էր, որ հուլիսի 6-ի առավոտյան իրավապահները ներխուժել էին Գագիկ Ծառուկյանի առանձնատուն և սկսել խուզարկություն անել։ Նույն գործողությունները կատարվում էին նաև նրան պատկանող ձեռնարկություններում։ 13 ժամ տևած խուզարկությունից հետո Ծառուկյանին ձերբակալել են, ապա երկու ամսով կալանավորել։