ԵՐԵՎԱՆ, ՀՈՒԼԻՍԻ 4, 24News
Արզամասի շրջանի Վյեզդնոյե բնակավայրում ուժգին փոթորկի ժամանակ երեխա է մահացել, հայտնել է Արզամասի քաղաքապետ Ալեքսանդր Շչելոկովը։
Նիժնի Նովգորոդի մարզի դատախազության տվյալներով՝ կառուցվող շենքի պատը փլուզվել և ընկել է հարակից տան տանիքի վրա։ Փրկարարները քանդել են փլուզված կառույցները և հայտնաբերել երեխայի դին։ Դեպքի հանգամանքները պարզելու համար տեղում աշխատել է Արզամասի քաղաքային դատախազ Անդրեյ Մոխրովը։ Հարուցվել է քրեական գործ։
Քաղաքապետը նաև հայտնել է, որ ուժեղ քամու հետևանքով ծառերի ընկնելու պատճառով Արզամասում և շրջանի այլ բնակավայրերում գրանցվել են էլեկտրամատակարարման զանգվածային խափանումներ։ Գյուղերում վնասվել են նաև մի շարք մասնավոր տների տանիքներ։
—00—ՍՊ