Երեւան: Մեդիամաքս: ՀՀ վարչապետ Նիկոլ Փաշինյանը եւ Իրանի նախագահ Մասուդ Փեզեշքիանը Թեհրանում քննարկել են տարածաշրջանային նշանակության հարցեր։
ՀՀ կառավարությունից հայտնել են, որ զրուցակիցները կարեւորել են խաղաղության, կայունության եւ տարածաշրջանային համագործակցության ամրապնդմանն ուղղված հետեւողական քայլերի իրականացումը։
Նիկոլ Փաշինյանը եւս մեկ անգամ իր ցավակցությունն է հայտնել ԻԻՀ գերագույն առաջնորդ Ալի Խամենեիի մահվան կապակցությամբ՝ ընդգծելով, որ «Հայաստանը կիսում է Իրանի ժողովրդի վիշտը»։
«Նախագահ Փեզեշքիանը շնորհակալություն է հայտնել վարչապետ Նիկոլ Փաշինյանին Ալի Խամենեիի հրաժեշտի պաշտոնական արարողությանը մասնակցելու նպատակով Թեհրան ժամանելու համար։ Նա նշել է, որ Իրանը բարձր է գնահատում դժվարին իրավիճակում Իրանի նկատմամբ Հայաստանի կառավարության որդեգրած դիրքորոշումը եւ ցուցաբերած մարդասիրական աջակցությունը»,- ասվում է կառավարության հաղորդագրությունում։