Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը, ընդլայնման հարցերով եվրահանձնակատար Մարթա Կոսը և ներքին գործերի ու միգրացիայի հարցերով եվրահանձնակատար Մագնուս Բրունները հունիսի 29-30-ը պաշտոնական այցով կգտնվեն Թուրքիայում։ Այս մասին նշվում է Եվրամիության արտաքին գործողությունների ծառայության տարածած մամլո հաղորդագրության մեջ։
Նախատեսված են Եվրամիության բարձրաստիճան պաշտոնյաների հանդիպումները Թուրքիայի արտգործնախարար Հաքան Ֆիդանի հետ։
Նշվում է, որ այցը տեղի է ունենում ՆԱՏՕ-ի գագաթնաժողովից առաջ, որը կանցկացվի Անկարայում հուլիսի 7-8-ը։
«Այցը հնարավորություն կտա վերանայել ԵՄ-Թուրքիա հարաբերությունները՝ Թուրքիայի՝ ԵՄ անդամակցության թեկնածու երկրի և ՆԱՏՕ-ի դաշնակցի կարգավիճակի պայմաններում, քննարկել աճող աշխարհաքաղաքական անկայունության իրավիճակում կողմերի առջև ծառացած ընդհանուր մարտահրավերները և համագործակցության նոր ուղղությունները», – ասված է հայտարարության մեջ։
Թարգմանությունը՝ «Ազատություն» ռադիոկայանի
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: