Ռուսաստանից Ադրբեջանի տարածքով Հայաստան կուղարկվի հացահատիկի նոր խմբաքանակ

Բաժանորդագրվել

Ուղարկվող բեռը ներառում է 770 տոննա ցորեն։

ԵՐԵՎԱՆ, 28 հունիսի — Sputnik. Ռուսաստանից Ադրբեջանի տարածքով Հայաստան է ուղարկվել հացահատիկի հերթական խմբաքանակը։ Այս մասին հայտնում են ադրբեջանական ԶԼՄ-ները։

Հաղորդվում է, որ բեռը ներառում է 770 տոննա ցորեն։

Նշվում է, որ մինչ այժմ Ռուսաստանից Ադրբեջան տարանցմամբ Հայաստան է ուղարկվել ավելի քան 34 հազար տոննա հացահատիկ, շուրջ 8 հազար տոննա պարարտանյութ, 133 տոննա ալյումին, 68 տոննա հնդկաձավար և 414 տոննա անտրացիտ:

Տարանցման հետ մեկտեղ Ադրբեջանից Հայաստան է արտահանվում նաև նավթամթերք։ Մինչ օրս Ադրբեջանից Հայաստան է արտահանվել ավելի քան 14 հազար տոննա դիզելային վառելիք և շուրջ 5 հազար տոննա ԱԻ-92 և ԱԻ-95 բենզին:

Leave a comment