Լայմի հիվանդությունը տզերի միջոցով փոխանցվող բակտերիալ վարակ է, որը կարող է զարգանալ վարակված տզի խայթոցից հետո։ Հիվանդությունը հատկապես կարևոր է վաղ փուլում հայտնաբերել, քանի որ ժամանակին ախտորոշման և ճիշտ բուժման դեպքում այն հիմնականում լիովին բուժելի է։
Լայմի հիվանդության ամենաբնորոշ նշաններից է խայթոցի հատվածում առաջացող կարմիր, աստիճանաբար մեծացող ցանը, որը երբեմն ունենում է օղակաձև կամ «թիրախի» տեսք։ Սակայն պետք է հիշել՝ ցանը միշտ չէ, որ դասական տեսք ունի, իսկ որոշ դեպքերում կարող է ընդհանրապես չնկատվել։
Հնարավոր ախտանշաններն են՝
- ջերմություն,
- գլխացավ,
- արտահայտված հոգնածություն,
- մկանային և հոդային ցավեր,
- ավշային հանգույցների մեծացում։
Եթե հիվանդությունը ժամանակին չի հայտնաբերվում և չի բուժվում, վարակը կարող է տարածվել՝ առաջացնելով նյարդաբանական, սրտային կամ հոդային բարդություններ։
Տզի խայթոցից հետո կարևոր է հետևել ինքնազգացողությանը, զննել խայթոցի հատվածը և կասկածելի նշանների դեպքում չզբաղվել ինքնաբուժությամբ։
Հակաբիոտիկային բուժումը պետք է նշանակվի միայն բժշկի կողմից՝ ըստ հիվանդության փուլի, ախտանշանների և անհրաժեշտ հետազոտությունների արդյունքների։
ԻՀԱԿ-ում Լայմի հիվանդության կասկածի դեպքում իրականացվում է համալիր մասնագիտական մոտեցում՝ վարակաբանի և անհրաժեշտության դեպքում այլ նեղ մասնագետների ներգրավմամբ։
Այստեղ պացիենտը ստանում է ոչ միայն հետազոտություն, այլ ամբողջական բժշկական ուղեկցում՝ ճիշտ ախտորոշումից մինչև բուժման պլանավորում և վերահսկում։
Տզի խայթո՞ց եք ունեցել կամ նկատել եք կասկածելի ցան։ Մի՛ սպասեք բարդությունների զարգացմանը․ դիմեք ԻՀԱԿ-ի մասնագետներին։
Թեժ գիծ՝ 8424:
ԻՆՖԵԿՑԻՈՆ ՀԻՎԱՆԴՈՒԹՅՈՒՆՆԵՐԻ ԱԶԳԱՅԻՆ ԿԵՆՏՐՈՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: