NewDay.am լրատվական կայքի հիմնադիր Անի Գևորգյանը ֆեյսբուքյան իր էջում գրել է․
Ինձ հետ այսօր կապ հաստատեց 44 օրյա պատերազմի մասնակից Վարազդատ Սանեյանը խնդրեց ջնջել «Վիվառոյի» խաղերի օնլայն շոուների իր մասնակցությամբ տեսանյութը: Ինձ պատկանող Newday.am լրատվականից ջնջեցի, հիմա իմ էջից էլ կջնջեմ:
Պատերազմի մասնակիցը խաբեության զոհ է դարձել, սա այն է ինչի մասին խոսում եմ ՝ ոչ հայրենիքն է փրկվում, ոչ հայրենիքի համար կռիվ տվածներ են արժանապատիվ ապրում:
Հիմա ներկայացնեմ Վարազդատ Սանեյանի խոսքը.
«Ես գովազդային առաջարկ եմ ստացել, ասել են՝ դրսում է ցուցադրվելու, խորապես չեմ հասկացել՝ ինչ է: 2020թ-ից հետո աշխատանք չունեմ, ընտանիքս պահելու խնդիր ունեմ: Պրոթեզների մասին եմ մտածում, որ շարժունակությունս վերականգնեմ: Առաջարկի ժամանակ չեմ հասկացել, որ սա կարող է օգտագործվել պատերազմի մասնակիցների, կերպարների դեմ, չեմ հասկացել, որ օգտագործվում եմ, խնդրում եմ ջնջեք» ,-ասաց նա :
Վարազդատը պատերազմից հետո խաբեության զոհ է դարձել Թայլանդից 15 հազար դոլար շորթել են պրոթեզների համար ու էդպես էլ չեն ուղարկել:
Նա հիմա 300 հազար դրամ թոշակի հույսին է: